Cadho Ka Dhalatay Safarka Messi Uu Ku Tagay Sacuudiga Iyo Ganaaxa Adag Ee Uu La Kulmayo
Ciyaartoyga Messi Oo
Ganaax Ku Mutaysanaya Safar Uu Ku Tagay Sucuudiga Oo Uu Raaligelin Ka Bixiyay &
Sababta
Lionel Messi ayaa raali
galin siiyay saaxiibadiis kooxda ka dhisan Paris St-Germain wuxuuna sheegay
inuu sugi doono kooxda go’aan ka gaarista tilaabada ay ka qaadi doonto kadib
markii uu fasax la’aan ugu safray Saudi Arabia.
Kabtanka Argentina ayaa
laga ganaaxay kooxda muddo labo isbuuc ah safarka awgiis.
Waxa ay daba socotay
guuldarradii PSG kusoo gaartay gurigeedada ee ay kala kulantay Lorient axadii.
"Waan ka cudur daartay
wixii aan sameeyay, waxaana sugayaa waxa ay kooxdu go’aan ku gaari doonto” ayuu
Messi ku yiri muuqaal la soo dhigay Instagram-ka.
"Runtii waxaan u
heystay inaan heli doono maalin fasax ah ciyaarta kaddib sidii toddobaadyadii
hore oo kale.
"Waxaan
qorsheynayay safarkan Sacuudiga kadib markii aan horay u baajiyay, markan ma
baajin Karin markale."
Messi ayaa ku dhow inuu
ka tago PSG marka uu qandaraaskiisu dhaco xagaagan.
Laacibka 35-jirka ah,
oo sidoo kale ay kooxdu ganaaxday, ayaa waxa ganaaxiisa loo sababeeyay safarka
dalxiiska ee aan horay loo ogeyn ee uu ku tagay Sacuudiga.
Maamulaha PSG
Christophe Galtier ayaa sheegay in uusan wax lug ah ku lahayn ganaaxa Messi,
isagoo sidoo kale cambaareeyay dibadbaxyada taageerayaasha ee bannaanka guriga
ciyaartoyda.
BBC