Maxay Tahay Digniinta Dawlada Hoose Ee Hargaysi Ay Udirtay Shacabka Caasimada?
Hargaysa (HWN) Xafiiska
maaraynta khataraha masiibooyinka ee dawladda hoose ee Hargeysa , ayaa digniin
udiray dadweynaha reer Hargeysa iyo
dadka wada gaadiidka .
Qoraal uu soo saaray
xafiiskaasi ayaa lagu yidhi sidan "waxa la rajaynayaa maanta illaa
toddobaad soo socda inay roobab ka
da’aan caasimada iyo nawaaxigeega Sidaa daraadeed halaga diyaargaroobo goobaha
biyomareenada ah, dooxyada, dhaamamka, baraagaha iyo wadooyinka waa waynba.
Sidoo kale gaadiidlaydu
yay nafahooga iyo hantidooda ku halaagin dooxyada waawayn. Shicibooow
caruurtaada ka ilaali oo hadaad biyo mareen ama doox dul degantahay ka fogoow.
Saadaashu waxay
sheegaysaa maanta oo ay bishu tahay 22 April inuu Roobku ku di’i karo 61%.
Sidaa daraadeed qof walowba ka diyaargarow” ayaa lagu yidhi qoraalka.
Wadooyinka magaalada
Hargaysa ayay qaar kood isku bedelaan dooxyo marka uu roob da’o, taasi oo
sababta khasaare kala duwan oo kuyimaada gaadiidka caasimada Hargaysa.
Waxaana la xasuustii Dhawan
roob kada’ay Hargaysa oo qaaday gaadhi ay rakaab saarnaayeen, kaasi oo ay ku
dhimatay Hooyo ciyaal Haysatay.