CABDILAAHI Jawaan ayaa Tariikhdaasi Soo Bandhigay isaga Oo qoraaalkiisa Ku Bilaabay sidan.

Ma Dhinte Waa Allah ee Waxaa Geeriyooday Allah Ha u Naxariisto Ex. Xildhibaan Hore Aadan Muxumed Hoori Allamaga ( Mataan ) Isaga oo ku Geeriyooday Hospital-ka Universal ee ku Yaalla Koonfur Bari Hargeysa Caasimadda Jamhuuriyadda Somaliland Galabta oo Taariikhdu Tahay 25ka Ramadan 1444 Hijrah ama 27ka Seer-mawaydo oo ah Bisha 1aad ee 3da Bilood ee Gu'ga Sannadka Soomaalida kuna Beeggan 16 April 2023 Taariikhda Milaadiga.

Allah Ha u Naxariisto Eh Aadan Muxumed Hoori Allamaga Wuxuu Dhashay 1949 Sida aan Taariikh Nololleed-kiisa aan ku hayo. Aadan Muxumed Hoori Allamaga Carruurni-modiisii Wuxuu ahaa Nin aad ugu fiicanaa:Tacliintiisii, Ciyaaraha Kubbadda, Oradada, Xaragada isaga oo Tusaale Fiican oo Lagu Daydo u ahaan Jiray Qayrkiisa.

 Aadan Markii uu Dhamaystay Tacliintiisii Dugsiga Sare Wuxuu Gallay Kulliyadda Macal-limiinta ee Lafoole. Waxaan Xusuustaa Mar Walaalkii Ismaaciil oo Wiil u Dhashay oo uu Mataan Waraaq u Soo Diray kuna yidhi inanka inoo Dhashay waxaad u Bixisaa ( Amistrong Ninkii American ee ugu Horeeyey Aadame Dayaxa Guudkiisa ku Dega ).

Haddaba Aadan Muxumed Hoori Allamaga Waxaa Lagu Xusuustaa:  in ahaa Macallin aad u firinfir-coonaa oo aad uga dhex Muuqday Wasaaradda Waxbarashada iyo Barbaarinta ee Soomaaliya intii uu Macallinka ahaa, Halgankii dib u Xoraynta Kaalintii Waafiga ahayd ee uu ku Lahaa isaga oo ahaa Ninkii Bixiyey Magaca ( S.N.M. ), Mabda Adayg, u Adkaysi Nololshii Jabhadda, Kaalintii uu ku Lahaa dhalashada iyo dib u dhiska Jamhuuriyadda Somaliland iyo ugu Dambayn Kaalintii Hogaamin iyo hal Adayg ee uu ku Shaqay-naayey intii uu ka Tirsanaa Golahii Dhexe ee 1991 ilaa 1993. Golaha Wakiillada ee Jamhuuriyadda Somaliland 2005 ilaa 31 May 2021.

Haddaba waxaan halkan tacsi uga dirayaa: Ooridiisii Saynab Cabdillaahi Maxamed Gadhle, Ubadkiisii, Qoyskiisii, Qaraabadiisii, Asaxaabtiisii, Ummadda Jamhuuriyadda Somaliland iyo Ummadda Soomaalida ahba.

 Waxaan Allah uga Baryayaa in uu Qabriga u Waasiciyo una Nuuro, Maalinta Qiyaamaha Xisaabta Allah u Fududdeeyo, Jidka Siraadna Allah u Sahlo Janatul Fardowsana Hoygiisa Aakhiro Allah ka dhiggo Samir iyo iimaanna Allah Ha inaga Siiyo Aamiin Aamiin Aamiin, Marxuunka Waxaa Barri Subax Lagu Aasi Doonaa Xabaallaha Uubaale ee Koonfur Galbeed ee Hargeysa Loona Yaqaan Masalaha Saacaddu Markay tahay 10ka Subaxnimo iyada oo Salaadda Jinaasaddna Halkaasi Loogu Tukan Doono.

Tariikhdaas waxa qoray cabdilaahi Abdi xaaji Omar jawaan