Markii lay sixray.
Waxaan daawaday muuqaal
dad nin sixiroole ah uu baadhay intuu sixray, ninkaas oo hada Boolisku gacanta
ku hayaan.
Waxay isoo xasuusisay
qiso igu dhacday 2017. Waxaanan jeclaystay in aan idinla wadaago.
2017 bilawgiisii Waxaan
ka shaqaynayay meherad iibisa qalabka Electronic-ga oo kutaala magaalada Burco
gaar ahaan kasoo horjeedka masjidka uu dhisay Badhabadha. Galab aniga iyo
saaxiibkay Saleebaan Cismaan Maxamed oo dhex fadhina meherada waxaa noosoo
galay nin degdeg ka muuqdo oo telefoon ku hadlaya xiligu waa bacdal casar
ninkii wuxuu iwaydiiyay qiimaha telefoonada Waan usheegay inta uu
ihortaaganyahay ee uu wax iwaydiinayo telefoon ayuu ku hadlayaa oo qofbuu
hagayaa oo meherada u tilmaamayaa. Kolkii aan qiimaha telephone-nada usheegay
wuxuu igu yidhi "nin dhalinyaro ah baad tahay oo abti tudhaalaad iiga
baahantahaye telefoon kaa iisoo qabo qiimihiisa iisheeg” waan soo qabtay waxaan
ku idhi waa $190 wuxuu igu yidhi "$210 ayaan kusiinayaa hadii aad wax igu
yeelatana waad iga daynaysaa” waxaa ku idhi telefoon ku waa $190. "Waa caadi
ayuu idhi ee $210 ayaan kusiinayaa wixii kalena waad iga dayn hoo bacdan
telefoon ka hayga tijaabin bacdaa iigu rid laba kaakuleetarna iigu dar” wuxuu
iidhiibay bac madaw oo duuduuban kadibna wuu baxay wuxuu iyidhi lacagtaan
gaadhi halkan taagan kaagasoo qaadayaa. Waxaan sooqaaday Mobile kii Waan tijaabiyay
kadibna waxaan kuriday bacdii uu iidhiibay saga iyo labadii kaakuleetar. Waxaan
saaray miis Xaga danbe ee meherada yaalay. Saaxiibkay Saleebaan ayaa igu yidhi
ninka Waan ka shakiyay. Inyar markaan joognay ayaan meherada kidinkeeda
istaagay oo eegay in uu soosocdo saa meelna kamasoo muuqdo. Waxaan goaansaday
in mobile-kii aan kasoo saaro bacdii aan kuriday oon kudaro mobile-lada iibka
ah maadaama uu soo noqon waayay waxaan furay bacdii saa Moobilba kumajiro
kaagadarane baytarigii Moobilka oo aan markii hore galiyay iyo jaajarkii iyo
labadii kaakuleetar bacdiibay kujiraan. Yaah iyo naxdin maxaa dhacay ayaanu
iswaydiinay maskaxda ayaanu dib ucelinay oo xasuusta dib u eegnay oo isugu
makhraati furnay in Moobilka aan bacda kuriday. Waanu garawsanay ninku in uu
sixiroole ahaa. Waxaan wacay abtigay Ismaaciil Cumar Calawaash oo aan usheegay
waxa dhacay wuu noo yimi. Waxaa kaloo xusid mudan in gabadhi ay albaabka soo
fadhiisatay ninkii sixirawga ahaa markuu saas nooga baxay gabadhu kolka aanu
sheekada ka sheekaynayno way dhoola cadaynasaa oo kolba way nasoo eegaysaa.
Kolkii abtigay ismaaciil nooyimi ayaanu Moobiladii kale iyo Kaambuyuutaradii
meesha yaalay tirinay waanu aragnay in ay dhanyihiin kolka laga reebo moobilkaa
sixirooluhu qaatay. Habeen ayay noqotay gabadhiina wali meeshii ayay fadhidaa
goor 8:40Pm habeenimo ay tahay ayaanu meradii xidhnay waxaanu utagnay Abtigay
Axmed Muumin oo meel aan naga fogayn Supermarkt ku haysta sheekadii ayaanu uga
sheekaynay saga iyo dhalinyardii lashaqaynaysay waanu cawaynay kadib waanu
isisoo raacnay aniga Saaxiibkay Saleebaan iyo labadaydii abti waxaanu kusoo
noqonay meheradii oo wali gabadhii hor fadhido abtigay Axmed Muumin ayaanu
tusnay bacdii ninku uu noodhiibay oo aanu casarkii meherada horteeda ku tuurnay
wuu qaaday kadib quraan ku akhriyay kolkii uu saa bacda uqaaday ayay gabadhii
kacday markii uu quraankii bilaabayna sidii qof talaabo dheerayn iyo ruclo orad
isku daraya ayay u dhaqaaqday oo way carartay markii ay naga libidhay ayaanu
iswaydiinay gabadhu maxay ahay ilaa galabta meesha way fadhiday markaa ay
gabadhu cararayso waa 11:30 Habeenimo hal meheradi ma funa. Intayadii wada
socotay waanu iska kala carawnay. Subixii kolkii waagu baryay ayaan sidii
caadiga ahay meheradii imi oon furay gabadh ayaa iisoo gashay Moobil iib ah
doonaysa Waxaan si idhi moobilkii usoo qabo kartoonkii ay ku jireen noocyada
moobilka ay doonayso ayaan is idhi uga soosaar saa saa bogos kastoo aan soo
qabto waxaa meesha kujira Baytarigii jaajarkii iyo eerifoonadii Moobilkiina wuu
maqanyahay markii tiraba ilaa 3 bogos aan sooqabtay ayaan dareemay in wax
qaldanyihiin kadibna intaan iska daayay katoonkii waynaayee moobiladu kujireen
ayaan khaanad danbe oo aan ku ogaa moobil ah nooca gabadhu ay doonayso is idhi
uga soo saar saa saguna waa lamid oo khaanadii waxaa ku jira kaliya baytarigii
jaajarkii iyo eerifoonadii markaas ayaan xaqiiqsaday in wax wayni qaldanyihiin
gabadhii ayaan ku idhi walaal moobiladaasi way iga dhamaadeen gabadhii way iska
tagtay ana naxdin iyo yaabaa , albaabkii ayaan soo xidhay aayad kursida ayaan
akhristay kadibna karaatoontii boobiladu ku jireen iyo alaabtii kale ayaan
eegay saa way yaalaan marka laga reebo afartii moobil ee aan waayay intii
gabadhu ila joogtay. Waan soo waysaystay laba rakcadood baan tukaday meheradii
ayaan iska furtay Waan iska shaqaystay duhurkii ayaan meheradii xidhay oo
karawaxay casarkii kolkii aan dib ufuray ayuunbaan is idhi bal moobiladii tiri
saa bogoskaan Kor uqaadaba waxaa ku jira baytarigii jaajarkii iyo eerifoonadii
oo kaliya oo moobilkii wuu maqanyahay Waan naxay oo wareeray. Albaabadii ayaan
soo xidhay talaa igu cadaatay Abaahay ayaan wacay oo qisada ihaysata usheegay.
Aabahay markaa wuxuu joogay Hargaysa wuxuu igu yidhi meherada iska xidh adna
adkaarta akhriso ilaa aan kuu imaadana hafurin sidii baan yeelay, waxaan la
hadlay ninkii meherada lahaa waxaa usheegay in hawli igu timi oo aanan ilaa
bari shaqada imaan karin meheduna ay xidhnaanayso. Aabahay wuu kasoo baxay
Hargaysa wuu ii yimi aabahay waa nin Culimo ah. Markii uu yimi waanu isisoo
raacnay meheradii ayaanu nimi aabay aayadaha sixirka iyo quraan ayuu meheradii
ku akhriyay alaabtii ayaanu dib u eegnay waxaa naga naqnaaday 13 Moobil oo
kuwii ugu qaalisanyee yaalay meherada ah. Aabahay Waxaan usheegay in lacagta
Moobiladaa aan anigu iska bixinayo ninka meherada lehna aanan waxba usheegayn.
Lacagtii moobilada qayb ahaan ayaan bixiyay oo aan ku diray number kii meherada
qaybtii kalena aabahay ayaa bixiyay aniguna sidii ayaan shaqdii kaga tagay oo
aan ku fasaxay.
Wabilaahi tawdiiq
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!