Wasiirka Arimaha Dibada Finland Oo Muqdisho Ka Degay
Muqidisho (HWN) Wasiirka Arimaha Dibada Dawlada Somaliya Abshir
Cumar Jaamac ayaa Caasimada Muqdisho ku
soo dhaweeyay dhigiisa dalka Finland Pekka Haavisto.
Wasiiradda Arrimaha
Dibadda Soomaaliya & Finland ayaa kawada hadlay sidii Xukuumadda Muqdisho
ay taageero uga heli lahayd dhiggeeda Helsinki gaar ahaan howlgallada ka dhanka
ah ‘AS’ & xoojinta xiriirka labada waddan.
Wasiirka Arrimaha Dibadda Xukuumada Fadaraalka Somaliya
ayaa sheegay in Booqashada dhiggiisa Finland Pekka Haavisto ay muujineyso sida
uu u xooggeysanayo cilaaqaadka labada waddan maadaama Safaaradda Dalkaas ay ka
furan tahay Muqdisho.
"Horay ayay Finland
Dalka u joogtay, Safaaradna way ku leeyihiin, Mashaariic badan oo ay naga
caawiyaan oo ay ka shaqeeyaan way jirtaa, wafdigaan muhiimad gaar ah buu u
leeyahay, In Wasiirka Arrimaha Dibadda Dowladda Finland uu soo booqdo
Soomaaliya taasi waxa ay sii xoojneysaa Iskaashiga naga dhaxeeya” Wasiirka Arrimaha
Dibada XFS.
Abshir Haruuse,
Wasiirka Arrimaha Dibadda XFS ayaa dhanka kale sheegay in Finland ay qayb ka
tahay dalalka u diyaarsan in dhinacyada Ammaanka, Caafimaadka & kobcinta
khibradaha howlaha kala duwan ka caawiyaan Soomaaliya.
Muqdisho waxaa kusoo
qulqulaya wufuud kala duwan oo qiimeynaya howlaha shaqo ee Dowladda Federaalka,
Safaaradaha dalalkaas ay ku leeyihiin Soomaaliya & in ay doorkooda ka
qaataan howlgallada Dowladdu qorsheysay ee ka dhanka ah ‘AS’.