"Islaamkeennu waa kan Imaam Waliid".
Bisadu qudheeda Aayadda ayey u khushuucday
Warbaahinta caalamka ayaa mar qura waxaa qabsaday sida naxariista leh ee uu Imaam Waliid Mihsaas ula macaamilay Mukulaal dushiisa soo fuushay, isagoo Salaadda tukinaya Masjid ku yaala dalka Ajeeriya. Waxay suurad qurxoon ka bixisay wanaaga Islaamka iyo Imaamka oo sanadahan danbe sawir fool xun laga bixinayey, kaasoo in badan oo magac Islaam sheeganaya sabab u ahaayeen.
Bisadu qudheeda Aayadda ayey u khushuucday oo Imaamkii dhunkatay.
Maadaama kooxo magac Islaam sheeganaya ay Diintii suurad xumeeyeen, Islaamkana cadawgiisii u loogeen, gaar ahaana anagana oo ay sanadahii danbe qarax, qaarajis, argagexin, dhac iyo furasho nagu hayeen, waxaan waynay naxariistii, turiddii, kalgacalkii, dhimrintii, damqashadii, daryeelkii, dulqaadkii, ixtiraamkii, xushmayntii iyo xishoodkii Islaamku na farayey.
Hal mar ayey muslimiinta iyagoo is ogayn isla yiraahdeen
"Islaamkeennu waa kan Imaam Waliid”.
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!
Loading...
Loading...