Marka hore Eebbe weyne aya mahad leh ina soo gaadhsiiyay bishan fadliga badani u sugnaaday , bishan waa bil uu alle SWT qur'aankiisa ku xusay ,lehna fadaa'il (Faa'iidooyin )dheeraad ah oo ay bilaha kale dheertahay , inagoo ogsoon kana dharagsan fadliga bishan hadanna waxan in yar idinla wadaagayaa waqtiyada ama saacadaha ugu qaallisan ee bishan ku jira waxayna kala yihiin:

1: Saacada ugu horraysa maalinta

(Salaada subax kadib).

Rasuulku NNKH wuxuu yidhi: "Qofka ku tukada salaada subax jamac, dabadeed fadhiista ee Illaahay xusa ilaa inta cadceedu kasoo baxayso, kedibna tukada laba rakcadood waxaa u sugnaaday Ajar la miisaan ah qof Xajay oo Cumraystay."

2: Saacada u dambaysa maalinta

( Salaada maqrib ka hor).

Waa daqiiqado qaali ah waxaana soo aroortay in ay yihiin waqtiga ugu fadliga iyo aqbalaada dhaw ducada Rabbi la baryayo.

3: Waqtiga suxuurta .

( Salaada subax ka hor).

Waa waqtiga ugu fadliga badan yihiin ducada iyo dambi dhaafku. Illaahay SWT wuxuu yidhi: والْمُسْتَغْفِرِينَ بِالأَسْحَارِ" آل عمران..."

"...Kuwa dambi dhaafka waydiista Eebbe waqtiga suxuurta"

Waqtigani waa xilliyada uu Eebbe wayne usoo dego samada Adduunka, soo degitaan isaga u cuntama oon la mid ahayn ka bani'aadamka.

W/Q: Xamse Cabdi Ibraahim

#ramadan2023