Shan Dal Oo Dumarka Ay Ku Helaan Amniga Ugu Fiican
Inkastoo ay sii
kordheyso tirada dadka kalinimada ku safra, dumarku weli waxa ay la kulmaan
caqabado marka aysan cidna wehlin. Balse waxaa jira dalal ku fiican sigidda
amniga haweenka, kuwaasoo ay waqtiga ugu fiican ku qaataan gabadhaha safarka ku
taga.
Ka dib markii muddo
dheer uu socdaalka adduunka u xayirnaa cudurka corona awgiis , dadku hadda ma
sugaan inta ay ka helayaan qof u raaca sfaraddooda ama lamaane. Sidaas awgeed
waxaa aad u sii kordhaya tirade dadka waddamada dibadda ku aadaya kalinimada,
gaar ahaan dumarka.
Daraasad ay sameysay
hay’ad fadhigeedu yahay dalka Norway ayaa lagu sheegay in saddexdii qof ee
caalamka u sarfa uu mid ka mid ah yahay qof keligiis socda. Sidoo kale, waxaa
si xowli ah u sii badanaya dumarka da’doodu weyn tahay ee socdaalaya.
Cilmi baariska ayaa
lagu sheegay in sanadkii 2022-ka ay dumarka da’doodu tahay 65 sano iyo wixii ka
sarreeya kuso bateen safarrada caalamiga ah.
Sanadkii 2019 waxay
dumarka da’daas ah ee safra ahaayeen 4% halka 2022 ay gaareen 18%, marka la
eego dadka keligood safra.
Iyadoo ay tahay in
dumarka ay nabad ku helaan meel kasta oo dunida ka mid ah haddana xaqiiqda
jirta ayaa ah in weli ay haween badan meel walba kula kulmaan cunsuriyad iyo
cabsi shakhsi ahaaneed.
Kuwani waa shanta
waddan ee ugu sarreeya liiska dalalka ay nabadda ugu badan ku helaan dumarka,
sida aan kasoo xigannay xogta Jaamacadda Georgetown ay ka diyaarisay
nabadgalyada dumarka.
Slovenia
Waddanka Slovenia ayaa
noqday dalka ugu sarreeya dhinaca amniga nabadda ee Bariga iyo Bartamaha
qaaradda Europe.
Sanadihii lasoo dhaafay
ayuu waddankan sare u sii qaaday xaqiijinta amniga haweenka, waxaana nabad
buuxda ku heysta 85% ka mid ah dumarka ku nool dalkaas.
Rwanda
Dalka Rwanda oo
baarlamaankiisa ay u badan yihiin tirade haweenka, waxa uu adduunka oo dhan
kaalinta koowaad uga jiraa dhinaca sinnaanka jinsiyadda ee Aqalka Baarlamaanka,
sida lagu qeexay xogta Jaamacadda.
Kaalinta lixaad ayuu
waddanka Rwanda uga jiraa dunida marka laga hadlayo xaqiijinta sinnaanta ragga
iyo dumarka.
Imaaraadka Carabta
Waddanka Isutagga
Imaaraadka Carabta ayaa noqday dalka ay nabadda ugu badan ku helaan haweenka ku
nool guud ahaan dalalka Khaliijka.
Waxa uu sidoo kale
kaalinta koowaad uga jiraa xaqjinta nabadda dumarka, iyadoo 98.5 ka mid ah
dumarka dalkaas ee ay da’doodu ka sarreyso 15 sano sheegaan in ay nabadgalyo
dareemaan marka ay kaligood socdaan xilliyada habeenkii. Magaalada Dubai ayaa
si gaar ah loogu aqoonsaday magaalada ay amniga ugu weyn ku helaan dumarka
keligood safra.
Japan
Japan waxa u uku jiraa
liiska tobanka dal ee ugu amniga fiican caalamka, sida lagu xusay xogta
hay’adda daraaseysa nabadgalyada caalamka. Aad ayey u yar yihiin dambiyada ka
dhaca dalkaas.
Waxa uu waddankan
leeyahay gawaari dhulka hoostiisa marta oo ay raacaan dumarka oo keliya. Sidoo
kale waxaa ku yaalla hoteello loo oggolaado haweenka keliya.
Norway
Norway waa waddanka
kaalinta koowaad uga jira xaqiijinta amniga dumarka ee guud ahaan dunida.
Kama jiraan
cabashooyinka la xiriira cunsiriyadda dhinaca sharciga ee ay la kulmaan
dumarka. Waxa uu dalka Norway sidoo kale ka mid yahay tobanka waddan ee heerka
ugu sarreeya ka gaaray xaqiijinta sinaanta ragga iyo dumarka. Waxaa kale oo
xusid mudan in u uku jiro dalalka ay ku nool yihiin shacabka ugu farxadda badan.
BBC