Filim Ay Rani Jishay Oo Muran Ka Dhex Abuuray Laba Dal
Muran cusub ayaa soo
baxay oo ku saabsan filimka ‘Mrs Chatterjee vs Norway’ kaas oo ka soo baxay
Hindiya 17kii bishan Dhammaadka ah ee Maarso.
Isku dhac dhanka
dhaqanka ah ayaa ka dhex dilaacay labada dal ee Hindiya iyo Norway oo ku
saabsan filimkan.
Atariishada caanka ah
ee u dhalatay dalka Hindiya Rani Mukherji ayaa jishay filim Bollywood ah.
Filimku wuxuu ku saleysan yahay sheeko dhab ah oo lamaane Hindi ah ku qabsatay
dalka Norway abaare 12 sano ka hore.
Safiirka Norway u
fadhiya dalka Hindiya Hans Jacob Freudenland ayaa qormo uu ku qoray joornaal ku
sheegay in qaladaad badan oo ku saabsan Norway lagu sheegay filinka waxa lagu
muujiyeyna ay guud ahaanba yihiin kuwa been abuur ah.
Waxa uu ku dhejiyey
qaybta hore ee boggiisa Twitter qormada oo la sameeyay 17-kii Maarso.
Dhanka kale Sagarika
Chakraborty oo ah haweenayda filimku ku saabsan yahay ayaa ku doodeysa in
dawladda Norway aanay run ka sheegain arrinka isla markaana ay dhacdada ka
fidinayso warar been abuur ah ilaa iyo haatan.
Siday wax u dheceen?
Qiyaastii 12 sano ka
hore, Waaxda Arrimaha Caruurta ee dalka Norway (NCWS) ayaa Sagarika
Chakratborty ka qaadatay laba caruur ah oo ay dhashay, kuwaas oo ku noolaa
magaalada Stavanga ee dalkaasi Norway.
Ka dib faro gelin
diblomaasiyadeed oo dalwadda Hindiya samaysay iyo maxkamadeynta dheer ee
maxkamadda Norway, caruurta waxaa loo celiyey qoyskooda, waxaana Hindiya ku
korsatay hooyadood Sagarika Chakraborty.
Sagarika ayaa sheegaty
in ilaa iyo hadda aanay dawladda Norway muujinin wax damqasha ah oo ku aaddan
caruurteeda ay ka qaateen.
Intaas ka dib,
sheekadan ayaa ciwaanada wararka qabsatay gudaha Hindiya dhowr bilood. Waxaa
xilligaas sidoo kale xanaaq badan muujiyey dadka caadiga ah ee Hindiya.
Arrintan ayaa gaadhay
tan iyo baarlamaanka Hindiya. Wasiirkii arrimaha dibadda ee xilligaas SM
Krishna ayaa sidoo kale bayaan arrinkan ku sabsan ka hor akhriyey baarlamaanka.
Hadda oo sanado badan
kasoo wareegeen, filimka lagu saleeyay dhacdadan ayaa sababay isku dhac cusub
oo ku saabsan dhacadaas. Balse iska hor imaadkan ayaa markan ku saabsan
dhaqanka ee aanan ahayn mid diblomaasiyadeed sidii markii hore.
Ka dib markii filimka
la sii daayey, safiirka Norway u fadhiya Hindiya ayaa sharaxay in korinta
caruurta ee Norway ay ka duwan tahay tan Hindiya, balse ay ku saleysan tahay
dareen bini aadannimo, ama wax farqi ah aanay u dhaxaynin dhaqan marka la eego
jaceylka hooyo.
Waxa uu ku sheegay
qormadiisa in filimka 'Mrs Chatterjee vs Norway' in lagusoo bandhigay in
caruurta looga qaatay hooyadood quudinta ay gacanta ku quudinaysay ama la
seexashada waalidka iyo caruurtu hal sariir ku wada seexdaan oo lagu muujiyey
filimka.
Freuddenland ayaa
qoray, "waxaa filimka lagu muujiyey in kala duwanaanshaha dhaqanka uu ahaa waxa
dhacdada sababay. Tani gebi ahaanba waa been abuur. Ma doonayo inaan xogta
dhacdadan usii dhaadhoco balse waxaan doonayaa inaan caddeeyo in aan qofna
Norway dhexdeeda ilmaha looga qaadaneynin gacanta oo lagu quudiyo ama sariirta
oo lal seexdo ilmaha amaba laabta oo la geliyo.”
Wuxuu qoray, "sidoo
kale caruurteyda sariirta korkeeda ayaan ugu sheekayn jiray xilliga jiifka,
waanan daneyn jiray aniga oo laabta gelinaya waxayna sidoo kale nagula seexan
jireen sariirtayada.”
Freudenland ayaa
sheegay in xitaa haddii waalidku ilmihiisa dhabanka ka dharbaaxo (si joogta ah)
sabab dooniba ha noqotee aan laga qaadeynin sababtan awgeed. Xaaladahan oo kale
daryeelka caruurtu waxay ku caawinayaan waalidka waano. Waxa uuna muujiyey inuu
rajeynayo in aanu filimkan ka niyad jabin hindida doonaya inay Norway booqdaan.
BBC