Muxuu Yahay Dalabka Garaadadu Aqbaleen Ee Ka Yimid Ergada Muqdisho Ka Timid?
Hargaysa (HWN) Garaadada
SSC ayaa sheegay in Isimada Dhaqanka ee ka yimid Muqdisho ay ka dalbadeen xabad
joojin si loo joojiyo dagaalka Sool arrintaasi ayay sheegeen in ay aqbaleen.
Suldaan Mustafe
Aw-seed, ayaa shaaciyay in dhinacooda ay si rasmiya u aqbaleen codsiga xabad
joojinta ee madaxda Dhaqanka ee Muqdisho.
Waxa uu intaasi ku sii
daray in dhinaca kalena (Somaliland) ay ka rajaynayaan in ay xabad joojin ku
dhawaaqaan.
Odayaashan oo shalay
yimid Laascaanood ayaa maanta dib ugu laabtay Garoowe iyagoo haddana
qorshaynaya in ay ku dedaalaan in ay yimaadaan Hargeysa inkasta oo aan weli
xukuumadda Somaliland ka hadal socdaalka Odayaasha Muqdisho.
Sidoo kale qaar kamid ah
bahda dhaqanka Somaliland oo warbaahinta shalay la hadlay ayaa xukuumada
Muuse Biixi usoo jeediyay in ergadaasi aanay iman Somaliland iyaga oo ku
dhaliilay inay dhinac la safanyihiin.
Xukuumadda Somaliland
ayaa hore u shaacisay xabad joojin balse dorraad ayay shaacisay in ay qaadi
doonto weeraro qorshaysan iyadoo intaasi raacisay in hore Ciidamadeedu u
ahaayeen difaac keliya.