Laascaanood (HWN) Afhayeenka Guddiga 33ka ee beesha Dhulbahante  Eng C/Risaaq Falaalug ayaa fariin hanjabaada hawada umariyay Afhayeenka Ciidanka Qaranka Somaliland Cabdi-dheere.

Cabdirisaaq Falaalug ayaa sheegay inay Cabdidheeri gacanta kuqaban doonaan oo ay kudari doonaan maxaabiis uu sheegay inay ka qabteen ciidanka Somaliland

"Cabdi dheeroow sidaad go’aamisey ayaa inoo ballana, Waxaan sugnaaba adoo Maxbuus ah oo Laascaanood lagugu daro maxaabiista kale ee aanu gacanta ku hayno, Weerarka qorsheysan ee kuu hadhey Waa mid aad ku qarinayso Jabka kugu dhacay ee waxba hala hadhina” ayuu yidhi Afhayeenka Guddiga SSC.

Hadalka afhayeen Gudida SSC ka soo yeedhay ayaa daba socda hadal uu shalay Ciidanka Milateriga Somaliland ku sheegeen in hada wixii ka dambeeyay ay iyagu weerarka qaadi doonaan oo ay ka bixi doonaan isdifaacid uu sheegay in ciidanku ku jireen mudadii uu dagaalku ka socday Laascaanood.