Absame iyo Gari Koombo, oo in badan Tulli-Guuleed kaga qeylin jirey, ”Soomaaliyeey!”, oo cid u jawaabta halkaas ka waayey, ayaa Marar isa soo taagey.

Marar ayay haddana ka qeyliyeen, ”Soomaaliyeey!”. Sidii Tulli-Guuleed si la mid ah, markii ay cid u jawaabta ay halkeer na ka waayeen, ayay Kaaraa-mardha u baxeen.

Kaaraa-mardha ayay mar saddexaad ka dul-qeyliyeen, ”Soomaaliyeey”.

Buurtii Kaaraa-mardha, ayaa markan cod-naq (echo) ku soo celisey: ”Samaaloooooooooooooooow!”

Alla ha u naxariisto’e, Hadraawi ayaa yidhi:

Waxay tidhi "Hoogey

Hayaay Cabdi-Qaadir

Hareer qabo awrka”

Markuu hayinkeedu

Hagaag isu taagey

Ayey tidhi "haakah”

Hebloo gabanteed ah

Hilowna basteeda

Malaa u han weynna

Karaamadan hiirta

Ku soo hormanaysa

Hilmaanina weydey

Wadaadka hoggiisa

Ka soo hangallaystay

Siduu ugu hiishey

Ayaa tidhi "hooyo

Muxuu horta sheekhu

Inoo yahay haybta?”

Waxay tidhi "heedhe

Hibooy ratigeennu

Markuu hingan waayo

Ayaan huriwaaga

Haleel cuskadaaye

Habeen ma wadaagno

Haddaan magaciisa

Dantaydu higgaadin

Ma soo hadal qaado.”

Tixgalin mudnaan badan leh.

Maxamed Sheekh Daahir

[email protected]

www.tashiwanaag.com