SSC Awood la Hollin Waayey
Ramadaan Kariim, Dhamaan Ummada SSC Waxaan ku bogaadinayaa Sadex Tallaabo oo ay hirgeliyeen tan maalmihii ay bilaabeen Halganka :
1:Ilaalinta Midnimadooda , Dhamaan Beelaha kala duwan ee SSC Garaadada, Dhalinyaradada Siyaasiyiinta, meel kasta oo ay joogaan , Qurba Joogta -oo iyagu wacdaro dhigay- oo laga waayey wax ka hooseeyaa Midnimada Ummada SSC .
2:In ay meel iska dhigeen Khilaaf iyo in ay danta guud ka horumariyeen tooda gaarka ah, Mabda’ooda oo ku saleeyeen mid ku dhisan Midnimada Somalia , In Masiirkooda ay iyagu maamushaan , isku filan yihiin , Caruur iyo Ciroolaba isku hadaf ah , kana adag yihiin cid walba iyagoo Allaah kaashanaya .
3:In ay Dagaalka ay kula jiraan Cadowgooda 1 aad ee Somaliland uu dhab ka yahay una hureen Naftooda , iyagoo la dagaalamay meelna uga soo haray cadow 30 Sano wax dhoo dhoo ayey , awood Ciidan isbadey , dowlada ismoodey , Mudadii dagaalku uu socdey oo aan googb ka ahaa Jiidaha ,iyo meel walba oo magaalada iyo hareereeda ah , dad badan u dhinteen Halganka xoreynta Laascaanood ma aanan arag Hal Qof oo dumar iyo ragba oo u ooyaya dadkii ka dhintay , qof waliba isaga oo ku faraxsan shahiidnimada waaldikii walaalkii iwn ayuu aasayey ,dagaalkana horey ka galayey ,
Halgamayaasha kuwooda jiodaha laga soo waado ee dhaawaca ah waxaan u soo taagnaa iyagoo rag badan ii ka mid ah ay isku hayeen Bahda Caafimaadka inay sugaan intay ka bogsnaayaan iyaguna ay doonayeen iyagoo dhaawaca ay furumaha ku noqdaan , iyagoo leh ragbaan uga Imid Jiidaha ee i fasaxa iyaguna ay ka diidanaayeen oo lahaayeen rag kale ayaa ku jira dagaalkee ee sug bogsoshadaada.
Way dhacdey rag iska furey Faleembooyinka oo ku noqdey goobaha dagaalka , Jiidaha loogala daba cararay daawada iwm .
Ummada marka ay mid tahay cidina kama adka , waana sida uu Alle sw in badan noo sheegay Taariikhdaha halgankana ku xardhan.
Taariikh ayaa qormaysa .
Mowliid Ismail Diged
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!