Gabaygani waxa tiriyey Maxamuud Cabdilahi Rooble, Waxka bedel cimrigaaga oo ugu badnaan 70 sano ah . Oo aad u qaybisey 50 sano oo aad caasido Ilaahii ku abuuray iyo 20 sano oo aad xanuuno iyo gabow la ildaran tahay hadiiba aad gaadho 70.

Magaca Garbagy (Tilmaan)

Sidii caws la tuuloo dabeed, taraq la taabsiiyey

Goortey murtidu tiicdaybaan, taag ka joogsadeye

Matixgaliyo ruuxaan aqoon, tiirkay leedahaye

Tab iyo xeela maahiyo tacliin, meelfog loo tago e

Tamkiin maaha faal laga dayoo, taana waad garane

Tanaad weeye Eebuhu baxshoon, cidi ku taareyne

Ka tanaasul baan idhi hadana, wuu i tabayaaye

Sugaan taxeegii lumaan, toosi leeyahaye

Sidii roob tifleeyoo arlada, toos wada gaadhay

Talantaali iigama tagoo, taniyo waagiiye

Tawxiidka eebiyo xaqaa, lagu tanaadaaye

Tuhunkii galbeed lagu ogaa, waa tabtuu yahaye

Kola taabiciintii horaa, nalagu tiirshaaye

Tixda gabay tilmaan runa hadaan, hoga tusaaleeyo

Oo aan tafsiirkeeda galo, erayo tariikha

Idina waygu taabici markaan, dhigo tubtiisiiye

Aan tilmaamo tiro aan is idhi ,toban ma gaadhayso

Tacabkani aduun loo galaan, kuu turxaan bixine

Tartankani dadkoo dami calow, toosh la daba joogo

Iyo malag kusootu’inayaa, waaba kala taabe

Markaan tamar yareeyaa aduun, taajka lay sudhaye

Arligaan ku tamashlee lahaa, taako ugu meerey

Aqoon iyo waxaan tababar helay, een is idhi taabo

Turki iyo intaan Taajistaan , tacabir guureeyey

Tafahaan u xaytiyo intaan, tiigsi cararaayey

Iyo tii ilaah qoray ilayn, waaba kala taabe

Tawxiidka eebiyo xaqaa, lagu tanaadaaye

Quwadiisa taamka ah ayaan, toos u galayaaye

Tiir li’i Allaha taagay ee, taam ka dhigay uunka

Waa tacajib eegmada indhuhu, tamar u waayeene

Tiro laguma koobee nimcada, teedsan garabkeena

Timirtiyo tufaaxiyo midhaha, muuqa laga tuujo

Tayadooda wuu garan ninkii, tanag ka buuxshaaye

Ta’wiil Eebe weeyee cidlada, kama tabcaysaane

Isagaa wax tabantaabiyee, taa hala ogaado

Markuu taranka aadmigu batee, tohasho loo baahday

Isir tola ayuu kugu tirshay, magacyo toolmoone

Hayeeshee midkiinii taqiya, diinta taabacaye

Aadmigu markuu talax tago, waa bar kuma taale

Tamco weeye shaydaan u dhigo, ruux tafaafulane

Ninaw teelo hawdhigan aduun, waa tuf iyo hooge

Taanada ninkii uririyee, taajir lagu sheego

Iyo kii faqrigutaabtey ee, tii Allena jooga

Tirtirsiga ifkani waa intay, taadu ay galine

Marhadii tareen aakhiro, tigidhka loo haysto

Maxay tabasho ii tari aduun, tagaya weeyaane

Naf’aan tamar lahayn baan bustaha, tiirso leeyahaye

Hadaan turuqyo leeyahay, timuhu, ima cadaadeene

Taaloo ma goostiyo ilayn, taygii barigiiye

Tiri weeyi coofkii calow ,madaxa tuulaaye

Tunkii sida libaax tiigsanaa, toosin kari waaye

Murqihii tidcamay waa kuwaa, tiicay caliyowe

Toocsiga haweenkana ka tagay, taakhigii hore e

Talaabada marbaan raaci jirey, qaar tolkay aha e

Marbaan sida tiriig shidan ahaa, tabay wanaagiiye

Tamashlaha jidhkii toosaana ,wuu tukubayaaye

Togagiyo waxaan uga baqaa, meelo taagsimo e

Haday tiro guyaal ii hadheen, tabane weeyaane ( dhawr gu)

Waqti ila taraaraa i baday tiiha soo jiraye

Talaahi ‘e hadaan towbadii, tiigso leehaye

Aan tukado salaadii Alley tiisa noqotaaye

Subaxaa talaadada ah iyo, waaga soo talaf leh

Wadku inuu tacaal igu odhan, amase aan toosi

Oon nolol kusii taami waa, tuhunkii beenaade

Hadayse taydu baaqi ay tahaan, talo I dhaafayne

Aan tukado salaadii Alley, tiisa noqotaaye

Afartaa tusmada sawma dhigin, teelo iyo waano

Sow sida tastuur uma qorin, tawali waa ceebe

Afar kale hadaan ugu tolo, waa tabliiq kaniye

Cidla lagama tookhee hadaan, taabto xididkiisa

Oo aan tiyaaqoon murtida, teeda wacan sheego

Marhadii cimrigu kugu tunto, waa tabtaan ahaye

Oo aad cunada tii wacnayd, taag u heli weydo

Tacdarida waqtidu keenay iyo, tamar yaraantiisa

Taxliil kuma dawaysiyo inaad, Taywan qabataaye

Taraawiixdu yey kaa tagin, Taladu saw maaha

Tiiraanyo uugama fadhiyo, waa tuf iyo leefe

Waa tiro dhimaanoon marnab,a toban aan gaadhayne

Tirsigeeda kii doonayaa, haw durbaan tuma e

Tamcadii aduunkani ibaday, tuuray xadhigiiye

Aan tukado salaadii Alley, tiisa noqotaaye

Maxamuud Cabdilahi Rooble

[email protected]