Weftiga Komiishanka Doorashooyinka Qaranka JSL oo uu hogaaminayo Gudoomiyaha KDQ Md. Muuse Xassan Yuusuf ayaa booqasho rasmi ku tagay magaalada Nairobi ee dalka Kenya, kadib markay martiqaad ka haleen dhigooda dalka Kenya IEBC.

Weftigu waxa ay la kulmeen Madaxda Komiishanka Doorashooyinka Kenya (IEBC) oo uu hogaaminayo Agaasimaha Fullinta Md. Marjaan Xuseen Marjaan oo ah mas’uulka waqtigan uga sareeya xafiiska, maadaamo oo aan wali la dhamaystirin xulista xubnaha cusub ee Komiishanka Kenya.

Kulankan oo ujeedkiisu ahaa sidii ay Komiishanka Doorashooyinka Qaranka JSL xidhiidh wada-shaqayneed ula yeelan lahaayeen dhiggooda dalka Kenya, iyo siddii KDQ JSL uga koradhsan lahaayeen aqoonta iyo waayo-aragnimadooda fullinta doorashaooyinka, maadaama ay labadan dal mataano ku yihiin qabadhada doorashooyin dimuqraadi ah.