"Laascaanood Waxaa La Keeni Doona Ciidamo Itoobiyaan Ah,...." Siyaasi ali Guray
Hargaysa (HWN) Siyaasi
Cali Guray oo kamid ah siyaasiyiinta Somaliland ayaa sheegay in haddii colaada Laascanood
laga heshiinwaayo ay dhici karto in ciidamo itoobiyaana lakala dhex dhigo ciidamada
Laascanood ku dagaalamaya.
Cali guray ayaa qoraal
uu baahiyay intaasi raaciyay in sidoo kale Somaliland haddii ay ka heshiin
waydo muranka doorashada ay xaalada Gobolada Somaliland faraha kabixi karto,
sida uu ku sheegay qoraalkan hoose oo uu baahiyay.
Somaliland Xagay Ku
Socotaa?
Laascaanood Muuse iyo
ina Suldaan Cali markaan eego xataa xal dhiigjoojin ah kuma heshiin karaan.
Bulshada Caalamku in ay farogelin toos ah ku sameeyaan si loo joojiyo dhiigga
daadanaya maaha wax aan laga fakiri karin.
Hadii ay xaaladu
qasabto oo waxba lagu heshiin waayo IGAD iyo AU waxa dhici karta in Itoobiya ay
u xilsaaraan suggidda nabadgelyada Laascaanood Q.M lafteeduna ay sidaa
baarigto. Taas oo micnaheedu yahay in ciidamo Itoobiyaan ah la keeni karo
Laascaanood labada ciidan ee isku horfadhiyana la kala durkiyo lagana fogeeyo magaalada labadoodaba. Labada
dhinac ma wada ogolaan doonaan, ma dhinac baa diidi, mise labaduba way ku
gacansaydhi hadii ay timaadoba? Wax walba ka yaab
Si kastaba xaalku ha
ahaado eh dhinaca Bulshada Caalamka waxay u badan tahay in dhexdhexaadinta
dhinacyada isku haya talada Somaliland la isla ogol yahay in looga dambeeyo
dalka la deriska ah ee Itoobiya.
Maaha arinta
Laascaanood oo keliya ee xataa khilaafka ka sii wayn ee doorashooyinka
laftooda, oo si wayn u soo shaacbixi doona afar ilaa sideed todobaad ka dib
dhamaadka bisha Ramadan iyada oo wax xal ah laga gaadhin dagaalka Laascaanood.
Taasina waa halista ku
soo fool leh in gobolada Somaliland dhan xaaladdu faraha ka bixi karto hadii la
waayo wax heshiis lagu yahay.
Siyaasi Cali Guray