1- Jaarsadii ayaa la weerarey, Jaarsadii ayaa la qaxiyey, Jaarsadii ayaa la xasuuqey, ayaa dhagaheenna ka badatey, oo maskaxdeenna ku soo noq-noqoneysa, oo qalbiyadeenna wada dhaawacdey, oo indhaheennu ka wada ilmeeyaan; oo aan dhammaad lahayn - subxaanaka yaa cadiim.

Innagaga daran'e, dhulkan waxaas oo dhan loogu geysanayaa'i, waa deegaannadoodii, oo waa beerahoodii, oo waa guryahoodii; oo waa miyigoodii iyo magaalooyinkoodii - subxaanaka yaa cadiim.

Innagaga sii daran'e, dadkan la gumaadayaa'i, waa ubadkoodii, oo waa hooyooyinkoodii, oo waa haweenkoodii iyo raggoodii; oo waa cirroolahoodii iyo carruurahoodii - subxaanaka yaa cadiim.

Waa yaabka-yaabkiisa'e, cadawgan duullaanka ku ah, ee xasuuqayaa'i, waa Gari Koombihii ay shaley soo dhaweysteen, ee shaley ay marti-galiyeen, ee shaley ay quudinayeen; ee shaley soo baahi iyo magan galey - subxaanka yaa cadiim.

Haddaba Jaarsadu, ma waanay damiir lahayn, oo ma waanay damqaneynnin, oo ma waanay dareen lahayn, oo ma waanay isku diir-naxeynnin; oo ma waanay dulligan saaran iyo dulinkan ku dul nool, ee dhiiggooda jaqaya, ee waliba xabbadda la dhacaya, ma waanay iska celin kareynnin, oo ma waanay iska dhicin kareynnin; oo ma waanay iska caydhin kareynnin - subxaanaka yaa cadiim.

2- Jeegaantu (Habar Jecle iyo Habar Awal), iyaduna deegaannadoodan ay Yabareedu ka qaxisey, ee ilaa maantadan Yabareedu ay ka haysato, ee min Harooreys ilaa Jigjiga, iyaduna ma waanay ka xoreysan kareynnin; oo waanay Yabareeda ka caydhsan kareynnin - subxaanaka yaa cadiim.

3- Dirku guud ahaan, Jigjigadan laga caydhsadey, ee Absamuhu uu xoogga kaga haysto, ma waanu ka muddaharaardi kareynnin; oo ma waanu ka xoreysan kareynnin - subxaanaka yaa cadiim.

Waa la idin suggayaa'e, idinkuna yaad suggeysaan?

Alla ha u naxariisto'e, Maxamed Nuur Fadal ayaa yidhi:

¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯¯

Nin naftiisa biime u geshiyo, bohol xun mooyaane

Bawdada nimay kaga dhacdiyo, boqonta mooyaane

Gobannimo bilaash looma helo, ban iska taaltaale.

Tixgalin mudnaan badan leh.

Maxamed Sheekh Daahir

[email protected]

tashiwanaag.com