Laba Ruux ayaa geeriyootay halka hal qof uu dhaawacmay kadib Shil Gaari oo ka dhacay agagaarka Xarunta Maamulka degmada Kaaraan ee Gobolka Banaadir.

Shilka ayaa yimid kadib markii Gaari nooca Soomaalida u taqaano Candho-meydlaha uu jiiray Mooto Bajaaj ay saarnaayeen dad Shacab ah, iyada oo Ciidamada Ammaanka ay qabteen wadihii Gaariga

Goobjoogayaal ayaa Risaala u sheegay in Gaariga weyn ee Shilka galay ay leedahay Shirkadda Isgaarsiinta Hormuud, iyada oo dadkii Shilkaasi ku dhintay oo saarnaa Mooto Bajaajta la geeyay Xarunta Hay’adda dambi barista ee CID-da.