Hargaysa (HWN) Wasiirka Warfaafinta Somaliland Saleebaan Yuusf Cali Koore ayaa qoraal uu soo saaray ku sheegay in aan la maagin siyaasiyiinta ay isku beesha yihiin ee ay kukala duwan yihiin fikirka.

"Kala duwanaashiyaha fikirka siyaasiintu marnaba mihiim maaha inuu kala fogeeyo bulshada taasi oo sababta nacayb iyo jeclaysi labada. Bulshada siyaaasadayda taageersan waxaan ku boorinayaa mar kasta inay ilaaliyaan kala duwanaashiyaha oo aan la maagin siyaasiyiinta ama masuuliyiinta  aanu isku deegaanka nahay se kala siyaasad ama xisbi duwanahay. Wanaagu wuxuu ku jiraa inaanay siyaasi ammaantii noqon siyaasi caydii, wanaagga,walaaltinimada iyo wax isku ahaanshiyahana laga tagin.

Markasta taageerayaashayda waan la socdaa fikirkooda iyo garab istaagooda wax kasta oo wanaagsanna waan ku taageerayaa.

Waad mahadsantihiin.

Allaa mahad leh.”

Wasiir Koore ayaa kamid ah siyaasiyiinta ka soo jeeda Gobolka Sool ee ku ganacsan siyaasada Somaliland ee reer Laascanood ku eedeeyaan inay xasuuq ka gaysatay magaalo madaxda gobolka Sool.