Xisbiga Kulmiye, Oo Ciyaar Ku Tilmaamay Dagaalka Laascanood
Hargaysa (HWN) Xoghayaha
Guud ee xisbiga kulmiye ayaa ciyaar ku tilmaamay dagaalka khasaaraha badan ka
gaystay magaalada Laascanood ee xarunta Gobolka Sool, sida uu ku sheegay
qoraalkan hoose oo uu baahiyay.
"Anigu waxaan u
arkaa in Gudoomiye Khaliif laba boglaynayo oo sida Gorayada ciyaarta ka socota
Laasocaanood-na lug kula jiro, lugna banaanka dhigtay; iyadoo ay u baxayso
heestii AHUN Cumar dhuule Cali, ‘labadaydii lugood, ayaa lakala laalee,
Laasocaano Lugooyo waynaayeey!’. marka ay taasi ka dhamaatana waxa uu ku
tuuranayaa, ‘Waa laba barbaaroo (Hargeysa & Laasacaanood), Badhtamaha
habeenkii, Midba baal i jiiftee, Beerka jecliyee, Xaydha jecliyee’.
Khaliif waxa uu ahaa
Odayga saddexaad ee Jamhuuriyada Somaliland, hase yeeshee intuu hadhcad soo
fadhiistay ayaa halkii hiil laga sugaayay,
"Wuxuu sheeguu
tiraabay,
Inuu qarankii Shuf
beelay,
Inuu Shicibkiisii
laayay,
Inuu Shalaw baas ka
tuuray,
Wuxuu sheeguu tiraabay,
Inuu Sharaftiisii
raacday,
Kuwii shawree maleegay,
Qaranka shirqoolkiisa
gaystay,
Inuu la shiruu ba
sheegay,
Sharkiyo waxay soo
dhigeenba,
Inuu shax la dheeluu
sheegay,
Inuu shifo yahay
warkoodu,
Asagaa Shaaca nooga
qaaday,
Hadalku waa sheegaa ma
dhaafto”- FCM
Markay halkaas marayso
Qarankii uu u dhaartay miyuu san khiyaamayn, miyuu san xaalku ahayn nin ku
siray wax kuu sheeg!. Sidee loo odhan karaa ninkaasi waa inoo maqan yahay.
Bal u fiirso nacasyada
warkooda iyo sida indho la’aanta ah ee qar iska tuurnimada ah ee ay u
difaacayaan sxbkood ee ay uga dhigayaan xalay dhalay iyo nimaan dhaawac u
geysan qarannimada. ‘Sakaaro xaar muuqda ayay aas aastaa’, soow maaha
warkoodu."
WQ. Xoghayaha Guud ee
xisbiga kulmiye..