Ma Dhabaa In Uu Iscasilayo Gudoomiyaha Gobolka Gabilay Oo Ka Soo Jeeda SOOL?
Gabilay (HWN) Gudoomiyaha
Gobolka Gabiley Cabdiqani Maxamuud Jiidhe, ayaa Sheegay innuu Madaxweynaha
Somaliland Muuse Biixi Cabdi ku Leeyahey Abaal islamarkaana, uu u hayo Ixtiraam
iyo Qadarin Markey Sidaa taheyna aanney Marnaba Ka Suurtoobin innuu iska
Cararo, ama uu Si dhibyar isku Casilo.
Kadib Markii
Toddobaadyadii u Dambeeyay Marar badan Laga Been abuurey, iyaddoo la Sheegay,
innuu iska Casiley Xilkii uu hayey ee
Maamulka Gobolka Gabiley, Waxa uu Gudoomiye Cabdiqani Jiidhe sheegay in aanney
Waxba ka Jirin Wararkaa Been abuurka ah ee laga Faafiyey Waxaannu usoo jeediyay
Kuwa Shaqada ka Dhigtey, in ay iska Nastaan oo Warar kale Raadsadaan.
"Ninku Innuu Kasii
Mid Ahaaddo Nidaamka uu Katirsan Yahey Waxey Qeyb Ka Tahey Miisaankiisa
Siyaasadeed, Anniguna Siyaasada Waan u Da’yarahey Mustaqbalkeyga iyo
hankeyga" Ayuu yidhi Gudoomiyaha Gobolka Gabiley.
Waxaannu intaa Ku Darey
hadalkiisa in uu Madaxweynaha Somaliland Muuse Biixi u hayo Abaal Weyn, Sidaa
daraadeedna aannu Isagu Meelna usocon.
Cabdiqani Maxamuud
jiidhe, Gudoomiyaha Gobolka Gabiley, Waxa uu Kusoo koobay hadalkiisa, in Duruuf
Kasta oo Siyaasadeed ay Ku Dambeyn doonto Mid Laga heshiiyo.
Cabdiqani Jiidhe oo ah
Nin dhalinyaro ah islamarkaana, kamid ah Dadka Kujira Siyaasada Wakhtigan ee
aan Xaalad Abuurka aheyn una janjeedhsan Qunyar-socodka iyo Dublamaasiyada ayaa
Geesta Kale Aaminsan in Mar Walba Somaliland Shacabka Reer Sool uga dhawdahey,
Puntland iyo Soomaaliya.