Garaadada SSC Oo Garoowe Kulan Kula Qaatay Madaxwayne Ku-xigeenka Puntland.
Hargaysa (HWN) Madaxweyne
ku-xigeenka Puntland ayaa maanta Garoowe kula kulmay qaar ka mid ah Isimada
Dhaqanka SSC iyagoo ka wadahadlay dagaalka Sool.
"Waxaan maanta kulan la
qaatay Isimada dhaqanka SSC oo aan ka
wada hadalnay xaalada guud ee deegaanada, si gaar ah xasuuqa baahsan ee
Soomaaliland ka wado magaalada Laascaanood.” Ayuu Axmed Karaash.
Garaadadan oo bishii
ugu dambeeysay fadhigoodu ahaa magaalada Laascanood ayaa ku eedeeyay ciidamada
Somaliland inay xasuuq kawado Laascanood.
Welina Ciidanka
Somaliland iyo ciidanka jabhada SSC ayaa isku horfadhiya waqooyiga magaalada
Laascaanood oo saddexdii cisho ee ugu dambaysay aan wax dagaal ahi ka dhicin
Xukuumada Somaliland
ayaa ku eedeysa maamulka Puntland inay ciidamadeedu qayb ka yihiin dagaalka
Laascaanood, inkasto oo ay Puntland markasta beeniso warkaasi.