Messi Oo Hadiyado Qaali Ah Qaybinaya
Sawir ay shirkadda lagu
soo daabcay bogga Instgram ka ee shirkadda IDesign Gold, oo ay is dhinac taagan
yihiin Lionel Messi iyo madaxa shirkadaas Ben Lyons ayaa lagu hoos qoray:
"Waxaa sharaf ii ah inaan 35 Iphone 14 ka sameysan dahab uu ku wareejiyay
Linel Messi si uu hadiyad ahaan ugu siiyo kooxdiisa iyo shaqaalaha kooxda,
maadaam ay ku guuleysteen koobkii dunida".
Magacyada iyo lambarada
ay ka dheelaan ciyaartooyda Argentine ayaa lagu xardhay dhamaan taleefanada.
Sidoo kale astaanta Ururka CIyaaraha ee Argentine (AFA) ayaa ku daabacan
taleefanada.
Arimaha Argentine u
horseeday guusha koobkii dunida
1.Messi oo ah
halyeeygii habeenka taariikhiga ah ee ku guuleystay Koobka Adduunka. Waa nin ay
xusuusan doonaan jiilasha soo socda ee reer Argentine.
Messi waa ciyaartoy
isku darsaday maareyn caqli ku dhisan iyo xirfad heer sare ah marka loo
barbardhigo ciyaartoy kasta oo haatan dunida ka ciyaara.
Waa 35 jir karti badan
oo deggan isla markaana aan cadaadis dareemin, wuxuuna Argentina ku hoggaamiyay
inay qaadaan Koobkan ay muddada dheer sugayeen.
Wuxuu dhaliyay 7 gool
Koobkan, laba gool ayuu xaley dhaliyay halka saddex gool uu ka caawiyay
xulkiisa inay dhaliyaan-waana rikoorkiisii ugu fiicnaa ee Koobka Adduunka.
Wuxuu noqday ciyaartyga
ugu safashada badan Koobka Adduunka, isagoo kasoo muuqday 26 kulan.
2.Lionel Scaloni oo aan
wax khibrad ah laheyn ayaa sanadkii 2018 loo magacaabay tababaraha xulka qaranka
ee Argentina toddobaadyo uun kadib markii Faransiiska uu Argentina ka saaray
Koobkii Adduunka ee lagu qabtay Ruushka.
Afar sano gudahood ayey
ugu suurtogashay in uu guul gaarsiiyo xulka.
Tababare Scaloni wuxuu
dhisay koox isku duuban oo uu Messi horkacayo, wuxuuna xulka kusoo daray
ciyaartoy da’ yar ah oo ay ka muuqato dhiirannaan iyo tamar badan, kuwaas oo
aan wax khibrad ah laheyn.
3.Garoonkii ay ka
dhacday ciyaarta kama dambeysta ahayd waxaa intiisa badan fadhiyay
taageerayaasha Argentina oo baddalay midabka garoonka.
Waxaa jirtay hees caan
aheyd oo xulka lagu taageerayay, waxaana ka mid ahaa ereyadeeda, "Waxaan
doonayaa in markii saddexaad aan ku guuleysto, waxaan doonayaa in aan ku
guuleysto Koobka Adduunka”.
Xitaa qaar ka mid ah
taageerayaasha reer Argentina waxay kasoo tageen shaqooyinkooda, qaarkoodna
waxay Qadar ku tageen lacagihii ay in muddo ah meel dhiganayeen. Sidoo kale
qaarkood waxaa la sheegay inay iska iibiyeen bajaaj ay ku shaqeysan jireen si
ay usoo raacaan xulkooda.
BBC