Shir doceed xalay ka dhacay Madaxtooyadda Somaliland oo uu Madaxweyne Biixi la yeeshay xubno ka tirsan Golihiisii Wasiiradda iyo Xildhibaano,ayaa xoggo aanu ka helay illo wareed-yo ay sheegeen in laggaga wadda hadlayey xaaladda dagaal ee Gobolka Sool iyo Magaallooyinka Laascanood, Gambadha iyo Tukaraq oo ka baxday gacanta Somaliland.

Xoggo uu Wargeyska Waaberi ka helay shir doceedkaas uu Madaxweyne Biixi la yeeshay xalay xubnaha wasiiradda ah iyo Xildhibaanada ayaa sheegay inay ka qayb-galleen Wasiirka arrimaha guddaha Maxamed Kaahin, Wasiirka war-faafinta Saleebaan Humbani iyo xubno kale iyo weliba Xildhibaano ka tirsan Golaha Wakiillada Somaliland,kuwaas oo uu kamid ahaa Xildhibaan Yaasiin Faratoon oo isaga laga soo doortay Gobolka Sool,waxaanu kullanku uu ahaa mid u gaar ah dagaalka Laascanood, isla markaana si gaar ah looggaga arrinsanayey xaaladdaha cakiran.

Sidoo kale illo wareed-yadda aanu xogtan ka helnay ayaa sheegay in kullanka oo ahaa mid dood addag lagga yeeshay xaaladda dagaal ee Gobolka Sool gaar ahaana Magaalada Laascanood ay inta baddan dood kul-kul is dhaafsanayeen Wasiir Kaahin iyo Xildhibaan Faratoon,kuwaas oo la xusay in intii uu kullanku socda ay isku muuqdeen,hase-yeeshee ay markii dambe xaaladdu isku beddeshay dagaal gacan ka haddal ah oo dhex-maray labada masuul,wallow ay Madaxweyne Biixi iyo xubninii kale ee madasha fadhiyey ay kale qabteen,haddana xaaladdu waxay isku baddeshay car iyo wir iyo dagaal afka ah, iyagoo is dhaafsanayeye labada oday haddalo xanaf leh oo xaaladda uga sii daray,kuwaas oo keenay inuu cadho kaga baxo shirka Xildhibaan Faratoon.