Hargaysa (HWN) Maayarka Ceerigaabo Ismaciil Xaaji Nuur Faarax ayaa ka jawaabay hadal ka soo yeedhay Garaad Mukhtaar oo kamid ah garaadada Beesha Dhulbahante ee fadhigoodu hada yahay magaalada Laascanood.

Garaad Mukhtaar ayaa sheegay in marka hawsha Laascaanood dhamaato ay ku xigto Ceerigaabo.

"Garaad Mukhtaar Waxan leeyahay aan Kala xishoono oo Degaanadu yaaney iskaga kaa  khaldamin Ceerigaabo meel lagu dagaalamo maaha Waa Gurigii Awooweyaasha , Ninkii dagaal rabaa dhulkiisuu Qaban oo ka dagaalami, halkan kama banana jaaniska aad raadineyso".Ayuu yidhi, Ismaciil Xaaji Nuur Faarax, Maayarka Ceerigaabo.

Dagaalka Laascaanood ayaa hada socda dhawr iyo labaatan cisho, kaasi oo sababay khasaare dhan walba leh, welina lama hayo xal lagu joojiyo dagaalka ilaa hada Socda.