Hargaysa (HWN) Hogaanka Xisbiyada Mucaaradka  Somaliland  Waddani iyo Ucid ayaa maanta kulan la qaatay Safiir ku xigeenka Safiirka ufadhiya Maraykanka Somaliya Amb. Tim Trenkle oo magaalada Hargeysa safar hawleed ku jooga

Kulankan ayay hogaanka xisbiyada mucaaradka Somaliland iyo safiir kuxigeenku kaga wada hadleen arrimo dhawr ah oo ay ka mid yihiin xal u helidda xaaladda Laascaanood iyo sidii loo dardar gelin lahaa arrimaha doorashada Madaxtooyada si isbedel hoggaamineed dalka uga dhaco.

Sidoo kale masuuliyiintan ka socday safaarada Maraykanku ku leeyahay Somaliya ayaa kulan la qaatay masuuliyiin ka socda xukuumada Somaliland oo uu hogaaminayo Muuse Biixi Cabdi.

Xogaha ay kulan ka heshay shabakada Hadhwanaagnews ayaa sheegaya in masuuliyiintani ay Muuse Biixi sicad ugu sheegeen in uu joojiyo dagaalka uu ka wado magaalada Laascaanood, kaasi oo socday saddexdii todobaad ee ugu dambeeyay.