Hargaysa (HWN) Siyaasi Cali Guray oo kamid ah siyaasiyiinta Somaliland ayaa taageeray hadalka Garaad Jaamac Garaad ismaaciil ee ah in ciidamada Somaliland ka baxaan lasscaanood.

Siyaasiga ayaa qoraal uu baahiyay oo uu kaga hadlayo xaalada Laascaanood kuyidhi:-

"Wallee Lama Yaabo. Nin Faras Dabadii Ka Degay Wax U Dhaamuu Waayay. Samahii Garaad Jaamac Garaad Ismaciil Waday Iyo Taloxumada Muuse Biixi Waa Maan Barray iyo Maan Bilaal. Garaadku Hadii Uu Diiday In Magaalada Dhexdeeda Ciidanka Qaranku Ku Dhex Dagaalamo Oo Madaafiic Lagu Garaaco Anigu Qalad Uma Arko. Oo Kumaa Ogolaan Lahaa? Anigu Sax Baan U Arkaa

Dhinaca Kale Wararka Inaga Soo Gaadhaya Laaska  Waxan U arkaa In Taloxumo Badani Ay Jirto Xataa Xagga Hawlgalada Ciidanka.Taasi Ayaa Sababi Karta In Khasaaruhu Bato. Lama Garanayo In Dagaalka Ay Wasiiro Hogaaminayaan Iyo Midnimotalis (Unity of Command) Ay Jirto Iyo In Arinku Jaantaa Rogan Yahay Oo Aan La Kala Garanayn KEEBAA KEE AH (who is who) .

Siyaasadda Dagaalka Hogaaminaysana Ku Dhehoo Wax Aan Fahmi Karo Maaha. Gudoomiyaha Wakiilada Mudane Cabdirazaaq Khaliif Iyo Madaxwaynuhu Horta Ma Wada Socdaan? Madaxwaynuhu Marna Xidhiidh Ma La Sameeyay Garaad Jaamac Garaad Ismaciil Intii Uu Keligii Dhextaagnaa Laascaanood Ee Wed Lahaa Kuwii Ku Soo Duulay.”