Hargaysa (HWN) Musharaxa madaxwayne ee Xisbiga Mucaaradka ah ee Waddani Cabdiraxmaan Ciro ayaa sheegay in xalku aanu xabad ahayn ee lawada hadlo.

Ciro oo ka hadlaya dagaal saaka ka bilawday Laascaanood ayaa xukuumada Muuse Biixi ugu baaqay inay dulqaad muujiso.

"Waxa aan si dareen iyo damqasho leh uga xumahay dhibta saaka ka dhacaysa Caasimadda Gobolka SOOL ee Laascaanood, waxa aan si weyn ugu baaqayaa in colaadda afka la qabto, Xukuumadduna muujiso dulqaad iyo dhibirsanaan, Garaadada dhaqankuna nabadda iyo xasilloonida ka shaqeeyaan, magaaladana yaan dagaal laga ridin oo aan maatidana la qaxin.

Dhib kasta oo dhacda, xalkeedu xabad iyo rasaas maaha, xalku waa wada-hadal, wada-xaajood iyo nabadeyn” Musharrax Cirro.

Dagaalkan saaka ee Laascaanood ayay labada dhinacba sheegayaan in iyaga lasoo weeraray, waxanay xoguhu sheegayaan in dhimasho iyo dhaawacba jiro