Muxuu Yahay Nidaamka Ay Siyaasada Ku Soo Kordhisay Xukuumada Muuse?
Hargaysa (HWN) Prof-Abdi
Ali Jama oo kamid ah aqoonyahanka Somaliland, ayaa sheegay in aanay jirin dhinac looraaco
xukuumada Somaliland ee uu hogaamiyo madaxwaynaha muddo kordhinta ku fadhiya
kurisaga ee Muuse Biixi.
Aqoonyahanka oo ka
hadlayay laba wasiir oo ka tirsan xukuumada Muuse oo shalay hadlay oo midna
hanjabayay midna sikale uhadlay ayaa su’aal geliyay xaga looraacayo xukuumada
Muuse, aqoonyahanka ayaa sidaasi ku sheegay qoraalkan hoose oo uu daabacay:-
"Nidaam Syaasadeed oo
Cusub bay Dunida ku so Kordhisay Xukuumada Muuse.
Laba wasiir ayaa
hadlay, mid waxbuu maslaxayay, kii kalena wuu hanjabay; isla qaddiyad bay ka
hadlayeen! Waxa kala duwan kaliya qabiilka ay labada wasiir ka soo kala
jeedaan! Nidaamka dawladeed ee dunidu ku dhaqanto macal kali-taliyayaasha maynu
arag wax caynkan ah; qoladan xukuumadda haysataa bal ha qoraan nidaamkan cusub
ee ay dunida ku soo kordhiyeen!
Imika keebaa ku hadlay
siyaasaddii dawladda. Halkee baa loogu soo hagaagayaa, ilayn meesha la ciyaari
maayo e! Nidaamkan cusub ee ay dunida ku soo kordhiyeen ma aha siyaasadda oo
kaliya ee xataa xuquuqdaadu waxay ku xidhan tahay reerka aad tahay! Mararka
qaarkood wax bay ku yeeli kartaa in aad isku qolo tihiin madaweynaha! Kolba
muraadka laga leeyahay bay ku xidhan tahay!”