Shacabkii Ka Qaxay Gobolka SOOL Oo Fariin Loodiray
Hargaysa (HWN) Gudoomiyaha
Gobolka Sool Abdikariim Adan X.diiriye ayaa sheegay in mudaharaadki salmiga
ahaa ee dadka rayidku dhigaayeen ay ka faa'idaysteen dad qaswada yaal ah, balse
gobolka Sool aanay ka jirin wax dhibaato ah, isla markaana loo baahan yahah in
la xoojiyo amniga gobolka.
Badhasaabka Sool
Cabdikariin Aadan Diiriye oo maanta qudbad ka jeediyay Xuskii 29 guuradii
aasaaska Ciidanka Qaranka Somaliland waxa uu shacabkii ka qaxay Laascaanood ugu
baaqay inay kusoo laabtan deegaankooda oo aanay u dhag taagin durbaanada la
tumaayo ee sababay inay ka bara kicinaayay guryahooda, waxaanu uso jeediyay
inta kale ee gobolka ku sugan inaanay qaxin oo gobolku nabad yahah, balaayana
ka jirin
"Laascaanod waxaa
ka taagnaa mudo rabshado ay keeneen dilalkii ka dhacaayay gobolka markii
danbana isu rogay in laga faa'idaysto oo mudaharaadkii salmiga ahaa ee shacabku
iskugu soo baxeen, balse loo badalay in qalalaaso iyo dhibaato lagu sameeyo
Caasimada gobolka ee Laascaanood.
"Waxaan leeyahay
Shacabkii Laascaanood ku sugn ee ka qaxay Iyo kuwa hada qaxaayaba balo ma jirto
kuwii qaxay waxaan leeyahay degmadiina kuso noqda kuwa qaxayana joojiya,
degmada iyo gobolka waxba kama jiraan.”
Gudoomiye Cabdikariin
Aadan oo hadalka sii wadaa waxa kale oo uu shacabka ugu baaqay inay is dajiyaan
oo aanay muujin wax welwel ah, deganaashana ay ku joogaan Waxaanu yidhi:-
" Waxaan leenahay
Shacbiga is dajiya durbaankan la tumayo ha u dheg taagina, qof waliba
gobolkiisi, degmadiisi iyo degaankiisi inuu nabad ku deganaado ayaa qurux
badan, belo kaa fogna looma yeedho
Shacbiga waxaan
leeyahay walaalayaal wax dhibaato ahi ma jirtaane waxaan idin leeyahay
guryihiini iyo hoygiini kuso noqda" ayuu kusoo gabagabeeyay hadalkii
Gudoomiyaha gobolka Sool Cabdikariim Aadan Diiriye.