Fadeexad Laaluush Oo Xasaanadda Looga Qaaday Xildhibaano Baarlamaanka Yurub Ah
Baarlamaanka Yurub ayaa
u codeeyey in xasaanadda laga qaado labo xildhibaan oo ay dowladda Beljam uga
shakisan tahay in ay ku lug lahaayeen fadeexad weyn oo musuqmaasuq ah taas oo
gilgishay baarlamaankaasi.
Labada xildhibaan ee
talyaaniga ah eeAndrea Cozzolino, iyo Marc Tarabella, ayaa beeniyey in ay
galeen wax qalad ah iyadoo lagu eedeeyey in ay dalaka Qadar iyo Marooko ay isku
dayeen in ay saameeyaan baarlamaanka Yurubiyagoo isticmaaalaya laaluush ., labaadaas
dalna wey dafireen arrintaa .
Haatanse baarlamaanku
wuxuu u codeeyey in shaqsiyaadkaasi laga qaado xasaanadda
Xildhibaanada in
xasaanadda laga qaado waxaa codsaday dowladda Belguim oo baaraysa fadeexad
musuqmaasuq ah oo loo bixyey Qatargate – ama fadeexaddii Qatar taas oo soo
baxday markii xildhbaan Greek ah iyo saddex kale la xiray markii looga shakiyey
in ay laaluush qaateen isla markaana lacag ay isdaba mariyeen.
Mid ka mid ah dadka
laga shakisan yahay ayaa markii dambe oggolaaday in sheego wixii oo dhan isagoo
qeyb ka ahaa heshiiska .
Pier Antonio Panzeri
ayaa lagu heystaa in uu madax ka ahaa shabakad qaadatay laaluush ay bixiyeen
dalalka Qatar iyo Morocco si ay saameyn ugu yeeshaan baarlamaanka Yurub .
Lcag gaaraysa 1.5
milyan oo Euro una dhiganta 1.3 milyan oo pound ayaa lagu helay si kaash ah
markii loo dhacay guryo ku yaalla Brussels iyo Takyaaniga .
Qatar iyo Morocco
labadaba waa diideen eedeymahaa ku saabsan in ay rabeen saameyn ay ku yeeshaan
baarlamaanka Yurub . Hase yeeshee dacwad oogayaasha ayaa sheegay in Mr Panzeri
u qirtay mas’uuliyadda Dambigaas.
Waxaa loo dhacay guriga
Mr Tarabella bishii hore markaa oo boliiska ay soo qabteen afar qof oo laga
shakisnaa , ka dibna waxay dacwad oogayaashu weydiisteen baarlamaanka in
xasaanadda ninkaas .
Marqaatiyaashaka
horjeeda ninkan ayaa sheegaya in marar dhowr ah lacago la siiyey ninkan.
Bishii hore ayey dacwad
oogeyaashu waxay sheegeen in Mr Panzeri oo ah Talyaani horena uga mid ahaa
baarlamaanka uu oggolaaday in uu bixiyo faahfaahin ku saabsan sida ay
fadeexaddu u dhacday iyo dadkuu ku lugta lahaa iyadoo loogu bedelayo muddo hal
sano ah oo xabsi ah .
Xaaskiisa iyo
gabadhiisa ayaa laga sii daayey xabsi guri ay ku jireen toddobaadkii hore taas
oo qeyb ka ah hashiiska hore la sila gaaray
VOA