Hargeysa(HWN) Fadhigii saaka ee golaha guurtida Somaliland, oo uu shirguddoominayay guddoomiye ku xigeenka golahaasi Siciid Jaamac Cali, isla markaana ay ka soo xaadireen 53 mudane oo ka mida 82-ka xildhibaan ee golahaasi ka kooban yahay ayaa markii uu fadhigaaasi furmay waxa mudanayaasha laga hor akhriyay warbixintii guddida joogtada ah.

Intaas kadib waxa ay mudnayaasha golaha guurtidu ansixiyeen, Xeerka Qaxoontiga iyo Barakacayaasha, kaas oo muran badan dhaliyay.

Xeerkan ayaa lagu ansixiyay Xeerka Qaxoontiga iyo barakacayaasha Xeer Lr.103/2022.

Waxa ogolaaday 42 mudane, waxa diiday 6 mudane, waxa ka amuusay 4 mudane guddoomiyuhuna muucodayn.