Funaanadda maaliyadda ee kooxda kubbadda cagta Brazil oo loo diyaariyey halyeygii Brazil ee Pele ka hor ciyaartiisii ​​u dambaysay ee heerka caalami ayaa lagu qiyaasay in lagu iibin doono ilaa 30,000 oo gini marka la xaraasho.

Waxay ahayd mid ka mid ah labada funaanadood ee lambar ee 10-ka ahaa ee Pele loo sameeyay ciyaartii Brazil ee 1971-kii ee Yugoslavia, shirkadda Hansons Auctioneers ayaa sidaasi yiri.

Funaanadda waxaa markii dambe iibsaday maamule makhaayad ku taal Shropshire oo sheegay inuu rajaynayo inay ku dambeyn doonto madxafka kubadda cagta.

Iibiyaha oo 33 jir ah, oo aan rabin in uu shaaciyo aqoonsigiisa, ayaa sheegay in uu ka iibsaday qof keydiye ah gaar ah sanadkii 2020.

"Waxay ahayd qayb cajiib ah oo ka mid ah ilaalinta xusuusta kubbadda cagta ah. Hadda waxaan dareemayaa inay u qalanto qadarin weyn, laga yaabee inay dib ugu laabto Brazil," ayuu yiri.

Pele waxa uu dhintay bishii December. Waxa uu ahaa ciyaaryahanka kaliya ee ku guuleystay Koobka Adduunka seddex jeer, waxaana loo magacaabay ciyaaryahankii qarniga ee Fifa 2000.

Funaanadda gacmo-dheerka ah ayaa la diyaariyey iyada oo ay weheliso mid kale oo gacmo-gaab ah, ayuu yiri Hansons.

Funaanadda gacmo-dheerka ah ayaa la diyaariyey iyada oo ay weheliso mid kale oo gacmo-gaab ah

Waxa ay intaa ku dartay in ciyaarta ka dib, uu Pele funaanaddii uusan xiran siiyay masseur Abilio Jose de Silva, oo lagu naanayso Nocaute Jack, oo la soo shaqeeyay xulka qaranka dhamaadkii 1960-meeyadii ilaa 1994-tii, markaasoo Brazil ay ku guulaysatay koobkii aduunka.

Funaanadda waxaa lagu iibin doonaa qolka iibka ee Derbyshire ee shirkadda 15-ka.

Pele ayaa 1,363 kulan ku dhaliyay 1,281 oo gool 21-sano oo uu ciyaaray, goolasha waxaa ka mid ah 77 gool oo uu dhaliyay 92 kulan oo uu u saftay dalkiisa.

Kumuu ahaa Pele?

Edson Arantes do Nascimento, oo loo garan ogyahay Pele, xiddignimadiisa waxay soo ifbaxday xilli ay da’diisu ahayd 17 jir dalkiisa Barzil uu ka caawiyey ciyaarihi koobka adduunka ee ay Sweden marti gelisay inuu hanto.

Wuxuuna dhaliyeey goolka keli (1-0) ah ee dalkiisa u horseeday inuu koobka qaado, ciyaarti siddeed dhamaadka uu dalkiisu la galay France wuxuu dhaliyey 3 gool iyada oo ciyaartu ay ku dhammaatay 5-2.

Pele marka ay da’diisu ahayd 15 jir wuxuu u ciyaarayey kooxda Santos muddo laba sana ah.

Pelé, oo loo arkay mid ka mid ah xiddigihii ugu wanaagsan ee abid cayaara kubadda cagta, ayaa usoo cayaaray xulka Brazil iyo kooxda Santos.

Inti uu kooxda Santos u dheelayey Pele wuxuu dhaliyey in ka badan 1,000 gool.

Waxa uu dunida kasoo muuqday isaga oo 17 jir ah, cayaarihii Koobka Adduunka ee 1958-kii lagu qabtay dalka Sweden, markaasi oo uu ahaa xiddiga ugu da’da yar.

Waxa uu cayaartii final-ka ee koobkaas ka dhaliyey 2 gool, xilli Brazil ay 5-2 kaga adkaadeen xulkii martida loo ahaa ee Sweden.

Tartan codeyn ah oo ay BBC Sport sameysay 2020-kii Pele waxaa loo doortay inuu yahay xiddigii ugu wanaagsanaa ee abid cayaara kubadda cagta, waxaa inta badan Pelé lala soo hadal qaadaa Diego Maradona, Lionel Messi, Cristiano Ronaldo iyo Johan Cruyff.

Pele waxaa si weyn looga xusuustaa sawirkiisa qaarka hore uu ka qaawan yahay xilligii dalkiisa uu ku guuleystay Koobki Adduunka uu martigeliyey dalka Mexico.

Edson Arantes do Nascimento, oo loo garan ogyahay Pele oo ahaa xiddigga kubadda cagta ugu wanagsanaa oo dunida soo mara waa uu geeriyooday balse magaciisu wuxuu sii ahaan doono mid aan laga illaawin goob kasta oo kubbad cagta lagu ciyaaro.

bbc/somali