1. Dadaalka. Wax kasta oo aad u dadaasho wey adag tahay innay cid kale kaa hor istaagto, waayo waxa kugu weyn sababtaad u doonayso. Ogow wey adag tahay in la baajiyo rabitaanka xoogan.

2. Dulqaadka. Markaad doonayso innaad gaadho waxaad jeceshahay, dulqaadku waa laga maar-maan. U samir wax kasta oo kugu adkaada, waayo waa furaha kuu sahlaya innaad furato albaabka mustaqbalka qurux badan.

3. Adkaysiga. Caqabad kasta oo kaa hortimaada waa innaad u adkaysato, haddii aad doonayso innaad gaadho wax kasta ooo riyadaada ah. Ogow haddii aad adkaysan weydo, waxa kugu adkaan doonta innaad ku faro-adaygto mustaqbalka qurxoon.

4. Dhamays-tirka. Markaad hawl bilowdo, waa lagama maar-maan innaad gabo-gabayso, oo aannad qabyo kaga tagin. Dhamays-tir la’aantu waa caqabad aad ugu badan dadka. Ka feejignow, oo ka gun-gaadh wax kasta oo aad qorshaysato.

5. Fikirka wanaagsan. Dhinaca wanaagsan ka eeg hawlahaaga iyo dadaalkaaga, waayo fikirka wanaagsani wuxuu kugu dhiiri-gelinayaa innaad hore ugu socoto dadaalka. Naftaada ku dhiiri-geli dadaalkeeda.

Ugu dambayn,

marnaba ha hilmaamin innaad illaahay talo saarato, adiguna la imo dadaalka iyo ficilka. Waxaan kuu rajaynayaa nolol qurux badan insha allah.

Mohamed Faisal