Golaha Wasiirrada ee xukuumadda federaalka Soomaaliya ayaa shalay ansixiyay heshiiska is af-garad-ka ee iskaashiga Tiknoolajiyadda iyo Boostada ee ay horay u kala saxiixdeen dowladaha Soomaaliya iyo Masar.

Heshiiska ay goluhu qalinka ku duugeen ayaa la filayaa in uu qeyb weyn ka qaato dib u dhiska kaabayaasha dhaqaalaha ee Soomaaliya.

Shirka Golaha Wasiirrada oo uu hoggaaminayay Raysul Wasaare ku xigeenka Soomaaliya ahna ku simaha Raysul Wasaaraha ee xilligan, Saalax Axmed Jaamac ayaa sidoo kale lagu meel mariyay hindise sharciyeedka dhowriska maalgashatada iyo maalgashiga.