67 Qof Oo Ku Dhintay Shil Diyaaradeed Oo Ka Dhacay Dalka Nepal
Ugu yaraan 67 qof ayaa
ku dhintay markii ay diyaaradi ku burburtay gobolka Pokhara ee dalka Nepal,
sida uu sheegay sarkaal ka tirsan maamulka duulista hawada, waana shilkii ugu
xumaa muddo ku dhow 30 sano ah oo ka dhaca dalka yar ee ku yaalla gobolka
Himalaya.
Boqolaal ka mid ah
shaqaalaha gurmadka ayaa ku sugan goobta ay ku dhacday diyaaradda Yeti Airlines
oo siday 72 qof, waxaana ay ka soo duushay caasimadda Kathmandu. Afhayeenka
hay’adda maamulka hawada Jagannath Niroula ayaa sheegay in cimiladu ay
wanaagsaneyd.
TV maxalli ah ayaa
baahiyay muuqaalka shaqaalaha gurmadka degdega ah oo ku sugan qeybo ka mid ah
diyaaradda burburtay. Dhulka u dhow goobta ay diyaaraddu ku burburtay ayaa
gubtay.
"Diyaaraddu waa ay
gubanaysaa,” ayuu yiri sarkaal ka tirsan booliiska oo lagu magacaabo Ajay K.C.,
isagoo intaasi ku daray in shaqaalaha gurmadka ay ku adkaatay in ay gaaraan
goobta ay ku dhacday oo ku taalla meel u dhexeysa laba buurood oo u dhow
garoonka diyaaradaha ee magaaladan loo dalxiiska tago.
VOA