Siyaasi Cali Guray Oo Sheegay Qaabka Ay Tahay In Loo Xaliyo Arinka Laascaanood
Hargaysa (HWN) Siyaasi Cali Guray oo inta badan ka hadla xaaladaha Dalka ayaa sheegay in arinka Laascaanood ka taagan loo baahanyahay in baadhis dhaba laga sameeyo si’aanu arinkani mar dambe udhicin, sida uu siyaasigu ku sheegay qoraalkan hoose oo uu baahiyay.
"Arimuhu iskuma jiraan
eh shaqaaqadii ka dhacday Laascaanood waa arin mudan in si gaar ah loo baadho
warbixin dhamaystiran oo xaqiiqada ku salaysan laga soo saaro ay muhiim tahay.
Hadii kale waa tii aynu dhaqanka u lahayn : WIXII DAAN YAAL DABAYLI HA QAADO
WIXII DAAF YAALNA DOOXU HA QAADO. Waa shuqul dememas in inta nool uun tooda
laga taliyo magta intii dhimatayna dawladdu dusha u ridato. Si aan mar kale tan
oo kale u dhicin waa in la isla meeldhigo talaabooyin hor leh oo ku wajahan
xoojinta amniga Laascaanood.
Arinka kale waa mid ka
balaadhan shaqaaqada Laascaanood oo siyaasi ah. Wuxu khuseeya dheeliga ku jira
awood-qaybsiga (powe sharing) oo ah qodobka ugu muhiimsan tabashooyinka beelaha
bariga iyo saamiga ay gaarka ugu yeelanayaan. Taas iyo kuwo kale ayaa
udub-dhexaadka Somaliland la wada leeyahay sal u ah.
U malayn maayo intaasi
tahay wax go’aan lagaga gaadhi karo wakhtigan kulamada ka socda Laascaanood
balse ugu yaraan in isfahan laga gaadhi karo garowshan la helo ayaaba wax ah.
Xagga xilalka magacaabista ku yimaadda laftooda in uu wax ka qabto madaxwaynaha
ayay u taal. Arimaha dibadaha laga wadwaday wax hadal dhaafsiisan maaha oo waxa
ka muhiimsan dadka gudaha ku jira iyo sida ay danahooda uga tashan karaan mana
filayo in ogol yihiin carro nabad ah in loo rogo goob dagaal sida ay hadda
xaaladdu tahay marka la eego. Markaa insha Allah khayr bay noqon ee ha loogu
duceeyo isafgarad in wax waliba ku soo dhamaadaan”
Xaalada Laascaanood Ayaan
weli loohelin wixii lagu dawayn lahaa, shir ay xukuumada Muuse Biixi la
yeelatay dhawaan waxgarad ka soo jeeda Beesha Dhulbahante ayaana ku dhamaaday
isfahanwaa.
Waxaana Laascaanood ka
socda shirar ay leeyihiin wax garadka iyo qaybaha Bulshada Laascaanood.