Suugaanteennu, waa innoo marjac-taariikheed, oo waa innoo maktabad-isireed, waa innoo matxaf-asaleed iyo dhaqammeed; oo waa innoo dhaxal-reeb.

Sidaas darteed, 1950kii ka hor, waa hubaal, oo Isaaq, oo aan Isxaaq ahayn, oo Sheekh aan ahayn, oo darajo Sheekh aan lahayn, ayay abwaannadu ku wada hal-qabsan jireen.

Taas macnaheedu, waa 1950kii ka dib, ayaa Isaaq la Ahlu-beyteeyey, oo Sheekh Isxaaq loo bixiyey.

Waxa xusid mudan, in xilligaas la Ahlu-beytoobey, ee Isaaq la Sheekh Isxaaqeeyey, in ay ahayd xilliyadii xornimo-doonka, ee gobonimo-doonku uu isticmaarka ku kacey, ee uu halganku socdey.

Kooxdii yareyd, ee isku deygii Ahlu-beyteynta Isaaq ka dambeysey, waa lagu kacey, oo waxa lagala hor tagey:

Saca faarsa tagey

Saddex maalintuu qado

Sandduluu ku soo noqon

Saa waxa ka dhigan

Safka maanta yidhi

Saadaaanu nahay

Ee Soomaali aan diidno.

Tixgalin mudnaan badan leh.

Maxamed Sheekh Daahir

[email protected]