Hargaysa (HWN) Musharax Cabdiraxmaan Maxamed Cabdillaahi Cirro ayaa si adag uga hadlay  dad ay shalay xukuumada Muuse Biixi ku laysay Laascaanood xili dadkaasi ay ka banaan baxayeen muwaadin Laascaanood ay ku dileen dad aan haybtooda la garanayn.

Musharax ciro Ayaan sheegay in ay foolxumo ku tahay qaranka in iyadoo mayd uyaalo reer laascaanood dadkale la laayo, sida uu Ciro ku baahiyay qoraal uu ku qoray Facebookga, waxaanu qoraalkaasi ciro ku yidhi

"Waxa aa si adag u cambaareynayaa falalkii waxashnimada ahaa ee ay Xukuumaddu shalay ka geysatay Maagaalada Laasacaanood, wax la aqbali karo maaha in iyada oo aan wali gacan ku dhiiglayaasha Haldoorka reer Sool gumaaday aan waxba laga qaban in hadana Shacabka waxyeello soo gaadho isugu jirta dhimasho iyo dhaawac tiiyoo loo adeegsanayo  rasaas nool, waa arrin foolxumadeeda oo qarankana laf-jab ku ah, in aanay dib u dhicinna aanu ka digeyno.

Xukuumadda wakhtigeedii dhammaaday, waxa aan ugu baaqayaa oo looga fadhiyaa in ay Umadda reer Somaliland iyo Shacabka Gobolka SOOL-ba ay si adag oo qoto dheer wax uga qabato dilalkan soo noqnoqday ee Umadda indheergaradkeedii lagu beegsanayo, isla markaana ay soo afjarto falalka amni darrada ee la caadeystay oo ay sugto xasilloonida guud ee Gobolka.

Shacabka reer Laasacaanood, waxa aan ugu baaqayaa in ay is xakameeyaan, nabadgelyada ilaalinteedana ka qeyb qaataan, isla markaana meel uga soo wada jeestaan wax kasta oo khakhal gelin karo nabadda Gobolka."Musharrax Dr Cabdiraxmaan Maxamed Cabdillaahi Cirro

Xukuumada Muuse Ayaan  ilaa hada gacanta ku dhigin cidii ka dambaysay dilalkii ka dhacay Laascaanood, waxaanay udirtay laascaanood masuuliyiinta dhalasho ahaan ka soojeeda Gobolkaasi, kuwaasi oo bulshada la dhex tegay hadallo aan looga fadhiyan