Afar Faa'ido Oo Qaruhu Leeyahay, Dad Badanna Aysan Ka War Qabin
Nicola Shubrook,
khabiir ku takhasusay nafaqada ayaa ka hadlay faa'iidooyinka midhaha iyo
khudaarta qaar siiba qaraha ama xabxabka, isaga oo sharraxaya waxaannu ka
diyaarinnay warbixintan.
Muxuu yahay qaraha ama
xabxabku?
Qaraha ama xabxabka waa
nooc ka mid ah khudaarta midhaha ah oo aad u weyn kaas oo ka soo baxa dhulka.
Waxa uu leeyahay qaar adag oo cagaar ah o oleh xarriijimo, gudaha waxa ugu jiro
qayb cas oo jilicsan oo dhalaalaysa leh iniin madow, labadaba waa la cuni
karaa.
Qaraha ayaa laga beeraa
waddamo badan, sida Shiinaha, Turkiga, Iran, Brazil, iyo Maraykanka.
1. Waxa uu socodsiiyaa caloosha
Ilaalinta fuuq-baxa
jidhkaaga ayaa lagama maarmaan u ah caafimaadka wanaagsan, maadaama xitaa heerka
fuuq-baxa ee yar uumuujin karo daal, madax-xanuun, murqo xanuun mararka qaar
suurtagalnimo ah cadaadiis ku yimaadda qulqulkii dhiigga. ee cadaadiska dhiigga.
Xabxabka ayaa intiisa
badan ka kooban biyo (92%), 20% baahida biyaheenna waxaa lagu helaa cunto,
qaraha ayaa wax weyn ka tari kara, gaar ahaan dadka da'da ah ee aan
dareensanayn haraadka.
2. Waxa uu wanaagsan
yahay miisaanka qofka
Biyaha ku jira oo aad u
sarreeya awgeed, qaraha waxa ku yar maaddada kalooriga, halka uu sidoo kale
yahay mid cufan, taas oo macnaheedu waa in xabbad weyn oo qaraha ah ay leedahay
kaloori yar.
Cunista cuntooyinka
sidan oo kale ah, kuwaas oo labadaba buuxinaya markay dhereg tahay waxay
yareeyaan rabitaanka cuntada, taas aan keen in qofku si degdeg ah u naaxo.
Arrintaas oo waayahan danbe muhiim ah.
3. Waxa uu u fiican
caafimaadka maqaarka iyo indhaha
Hilibka cas ee dhexda
ugu jira qaraha ee casaanka ah ayaa la sheegay in uu qani ku yahay iskudhisyada
loo yaqaanno carotenoids, oo ay ku jirto beta-carotene, taas oo aynu u beddelno
marka ay jidhkeenna gaadho fiitamiin A. Inta badan waxa loo yaqaan pro-vitamin
A, beta-carotene waxa ay ka qayb qaadataa caafimaadka indhaha iyo maqaarka.
Qaraha waxaa sidoo kale
ku jirtaa maadada Lycopene, jirka ayaa si deg deg ah u nuugaa maadadan.
Waxaa jiraa daraasado ku saabsan lycopene-ka
kuwaas muujinayaa in maadadan ay yareyso halista kansarka iyo cudurka macaanka.