"Xalka Keliya Ee Muuse Yaqaan Waa Xadhig Iyo Xabad"
Hargaysa ( HWN)
Siyaasi Cali Guray oo ka mid ah siyaasiyiinta inta badan ka hadla xaalada
Somaliland ayaa sheegay in haddii komishanka doorashooyinka Somaliland ku
shaqaynayaan amarka Muuse Biixi uu hore amar madaxwaynuhu ugu siiyay inay
qabtaan doorashada ururada, isagoo taasna ku tilmaamay fara galin.
Sidoo kale
siyaasi Cali Guray ayaa sheegay in Muuse Biixi xalka keliya ee uu yaqaan yahay
xadhig iyo xabad, sida uu siyaasigu ku sheegay qoraal uu baahiyay oo uqornaa
sidan:-
MARKII TALO
MEEL LA DHIGO MUXUU U
MAROORIYAA MEEL
DARAN UU UGA SHAXAA
Komishanka
Doorashadu hadii amar Madaxwayne ku shaqeeyaan way qabaan amarkii oo maalintii
sadexdii xubnood ee dambe la dhaarinayay amar cad waa kii siiyay. Wuxu faray in
doorashada ururda ay marka hore qabtaan, ka dibna sadexda soo baxa ay u qaban
doonaan doorashada madaxtooyada. Markaa komishanku wuu qabaa amarkii uu siiyaye
yaanu inaga ina wareerinin
Hadii uu yahay
komishan madaxbanaan oo dhex u ah dhinacyada tartamaya hawshooda iyaga ayaa u
xilsaaran eh farogelinta ha ka daayo oo sharciga ha u hogaasamo isga laftiisu.
Hadii kale uu goor iyo ayaan faraha kula jiro tuhun baa iman oo way lumin
kalsoonida saamilayda kale ee doorashada madaxtooyada hadii ay yihiin
daneeyayaasha shisheeyaha ah iyo hadii ay yihiin xisbiyada mucaaridkaba, oo ah
dhinacyadii taageeray muddadii ay sheegeen in doorasho ay ku qaban kraan.
Doorashada ay ka hadlayeenna laguma muransana ee waa ta madaxtooyada ee aanay
jirin wax ka dhiman sharcigeeda. Taas oo ay hawsheeda kala wareegeen
komishankii hore.
Hadaba
Labaclabacdan kale iyo isyeelyeelkan oo dhan waa la fahmi karaa oo waa shuqul
doorasho-diid weliba ay u dheer tahay ILA MEERAYSO si aan wax doorasho ahi
dalka uga qabsoomin, isaguna kursiga iskaga fadhiyo. Ciddii waa sidee tidhaa
ama tiisa ka hortimaadana xalka uu garanayo ee keli ahi waa "xadhig iyo xabbad”
aan cidna wax dan ahi ugu jirin isagana ku dhehoo