Hargaysa: Hooyo 3 Caruur Ah Oo Ay Dhashay Lacag La'aan Looga Soo Eryay Goobaha Waxbarashada
Hargeysa (HWN) - Hooyo
Farduus Maxamed Saleebaan, waa hooyo haysta 3 caruur ah, waxa ay degan tahay
magaalada Hargeysa gaar ahaan xaafada Xidigta.
Hooyadan 3-da carruur
ah ee ay dhashay waxa goobihii waxbarashada, sida iskuuladii iyo madaaristii
Qur’aanka Kariimka looga soo eryay lacag la’aan, guriga ayay u dhexjoogaan
iyaga markasta oo hooyadood waydiiya wakhtiga ay ku noqon doonaan iskuuladoodii
ee ay dib ula midoobi doonaan macalimiintii iyo ardaydii ay isku fasalka
ahaayeen.
Hooyadan iyada oo
warwaran iyo qalbijab weyni ka muuqdo waxa ay sheegtay in su’aalaha ubadkeedu
ay qalbigeeda gubaan, balse iyada uuni ay kali ku tahay oo saygeediina ka maqan
yahya, cid aan ALLE hayn oo u maqanina aanay jirin.
Hooyo Farduus waxa ay
ka mid ahayd haweenkii ka xamaalan jiray Suuqii gubtay ee Waaheen, balse hadda
shaqo la’aanta iyo duruufaha adag kuwajahaya magaalada iyada iyo haweenkale oo
la duruuf ahi.
Waxa ay sheegtay in
dadkii ku hantibeelay uun wax la siiyay balse dadkii xamaaliga ahaa ee cidkale
u shaqaynayay aanay ciddi isweydiin, waxa ay intaas ku dartay in subaxkasta ay
guriga ka baxdo balse iyada oo aan xabad Roodhiya usidin ubadkeeda ay dib ugu
soo laabato, iyada oo cuno la’aan iyo waxbarasho la’aan gurigii ay kaga tagtay
halkii la fadhiya.
Waxaaney tidhi."Waxaan
ka mid ahaa hooyooyinkii ka xamaalan jiray suuqii gubtay ee Waaheen, guriga aan
ku jira waa kiro, kiroba kiro ayay ii dhiibta, hadda bila shaqada ku ah
magaalada Hargeysa, hooyo caafimaad qabta oo xoogeeda ku shaqaysan karta ayaan
ahay, waxaan guddida taakulaynta suuqa Waaheen aan ka codsanaya in ay shaqo
abuur noo sameeyaan”
"Guriga waxbarasho
la’aan ayay carruurtu igu fadhiyaan, iskuulkasta iyo madarasadkasta lacagtii oo aan waayay ayaa loo soo eryay.
Waxa la yidhi ‘haddii
aydaan haysan lacagtii iskuulka iyo madarasada kaabada nooga dhaadhaca halkaasi
waxa ay ii fadhiyaan waa shan bilood, kadib markii suuqii aan yoomiyaha ka heli
jiray uu baaba’ay, wax allaale iyo wax aan ka soo shaqeeyaana aanu jirin subax
kasta waan kalaha wax shaqo ah oo aan hayo ama aan soo helana ma jiraan, iyaga
oo carruurtaydii qatan oo waxbarasho seegay ayaan ku soo laabta.
Masuuliyiinta dawladda
Somaliland oo madaxweynuhu ugu horeeyo ayaan kaalmo waydiisanaya, ILLAAHEYba
kaalmo haye”
Qaybaha kala duwan ee
dadkii ka xamaalan jiray suuqa Waaheen waa kuwa sida hooyadan oo kale nolosha
la daala dhacaya, waxa loo baahan yahay qorshe nolosha bulshadani lagu
badbaadinayo, sida in loo sameeyo shaqo abuur iyo in la baro xirfado ay ku
shaqaysan karaan oo ay kaga gudbi karaan buundada nolosha ee sii adkaanaysa
maalinba maalinta ka danbaysa.
Ciddii u baahan in ay
la xidhiidho hooyadan hakala xidhiidho telifoonkan 0634182857
Xigasho Wargeyska Dawan