Xisbiga UCID Oo Ujawaabay Masuul Sheegay In Uu Iskaga Tagay Xisbigaasi
Hargaysa (HWN) Xoghayaha
Xidhiidhka Goloyaasha Xisbiga UCID Yasin Cabdilahi Xaashi ayaa ka hadlay Maayar
ku xigeenka Burco oo sheegay in uu iskaga tagay Xisbiga UCID oo uu hore uga
tirsanaa.
"Duufaanada waaweyn
ee Siyaasadeed ee Sanadkii ugu dambeeyey ka dhacaayey Somaliland Wax culus
maaha in masuul dayar oon waayo aragnimo da'eed ama waayo aragnimo shaqo mid
siyaasadeed lahayn oon cago badan ku taagneyni iney duufaanadaasi qaataan,
mawqifkiisii siyaasiga ahaana ay ka tan bataan olo olayaasha beeleysan ee
masuuliyiin badani wadaan, Maayar xigeenka degmada Burcana Mubaarig Baaryare
dayartaas uun buu kamid yahay".
Maaha masuulkii koowaad
ee sheegay in uu ka tagay Xisbigii hore ee uu ka tirsanaa balse waxa jira
masuuliyiin kale oo iyaguna iskaga huleelay asxaabtii hore ay ka tirsanaayeen,
intooda badana waxay galee ururada cusube ee Siyaasada Somaliland.