Waxyaabo Laga Aaminsan Yahay Bidaarta Oo Aan Run Ahayn
Daaweynta bidaarta ayaa
ah dhibaato ay muddo qarniyo ah la daalaa dhacayeen saynisyahannada, ragga
ayaana xal u raadinayay arrintan.
Xitaa khabiirka caanka ah ee Giriigga u
dhashay, Hippocrates, oo lagu magacaabo 'aabbaha sayniska casriga ah' maaddaama
uu xilligiisii baaritaan ku sameeyay waxyaabo badan oo sayniska la xiriira,
ayaa sidoo kale raadin jiray qaabab looga hortagi karo bidaarta.
Inkastoo aan ognahay in
bidaarta ay sababaan waxyaabo badan sida hidda-sidaheenna iyo cimilada, haddana
waxaa weli jira afkaar ay dadku ka qabaan waxa sababa bidaarta.
"Bidaartu maaha
wax xun," ayuu yiri Dr. Carolyn Goh, oo ku takhasustay timaha waxna ka
dhigta Jaamacadda California, Berkeley.
Mar uu la hadlayay BBC
Mundo, ayaa wuxuu sheegay inay jiraay saddex afkaar oo ay dadku ka aaminsan
yihiin bidaarta.
1.
Hooyada ayaa laga dhaxlaa bidaarta
Waxaa laga yaabaa inaad
maqashay in hiddo-sidaha sababa bidaarta uu ka yimid hooyada, balse runtu sidaa
wax ka qoto dheer tahay.
Sanadkii 2017, daraasad
lagu daabacay joornaalka ka soo baxa Britain ee PLoS Genetics, ayaa koox
saynisyahanno u dhashay Ingiriiska waxay baareen 52,000 oo rag ah oo qabay
bidaarta dhaxalka.
Baarayaasha ayaa
sheegay inay hal hiddo-side oo keliya uusan sababin bidaarta, balse inkastoo
hiddo-sideyaasha ugu xooggan ee bidarata sababa ay hooyada ka yimaadaan,
haddana aysan iyadu keliya shaqo ku lahayn
Si loo fahmo sababta
aysan haweenku timaha uga bidin marka ay gaboobaan sida ragga, saynisyahannada
ayaa sheegay in hiddo-sidayaasha sababa inay timuhu daataan ay inta badan
saameeyaan ragga.
'Guud ahaan haweenku dhib kuma qabaan
bidaarta. Sababtuna waa haweenku inuusna ku badneyn hoormoonka testosterone
sida ragga oo kale, isla markaana hoormoonka estrogen ee haweenka ku jira uu
hor istaagayo bidaarta dhaxalka.'
2.
Xirashada kofiyad amaba dhaqitaan badan ayaa keena bidaarta
Meeqo jeer toddobaadkii
ayaad dhaqdaa tintaada? Si maalinle ah amaba saddex jeer toddobaadkii? Mar
walba ma koofiyad ayaad xirataa?
Waxaa laga yaabaa in
timaha kaa daadanaya aysan sababin dhaqitaan amaba xirashada koofiyad, balse
sidaas ayaa laga yaabaainuu kuu sheegay timo-jarahaaga.
Looma hayo wax caddeyn
ah in xirashada koofiyad ay sababto bidaar.
3. Wax dawo ah looma hayo timaha daadanaya
Marka xilligan la eego,
waxaa jira ilaa saddex xal oo lagula dagaallami karo bidaarta.
Sababta keenta bidaarta
ayaa kala duwanaan karta, mana jirto xal 100% ah oo loo hayo ka hortagga
bidaarta gebi ahanaba, balse qaababkaas ayaa yareeya timo daadashada. Tan
micnaheedu waa in timahaagu ay dib u soo dhalan karaan.
Saddexdan xal ayaa kala
ah:
Minoxidil: Waa wax
kiimiko ka sameysan oo sida kareen camal ah waxaana la mariyaa madaxa.
Baaritaan aan saynis ahayn oo la sameeyay ayaa sidoo kale muujinaya in
cunitaanka kaniiniga minoxidil uu caawiyo dadka bidaarta la dhibban. Lamase
oggolaan in kaniini ahaan loo cuno.
Fina Steroid: Waa daawo
la cuno. Dawadan ayaa markii hore loo isticmaali jiray in lagula tacaalo
xanuunnada kaadi-heysta, balse haaran waxaa lagula tacaalaa daadashada timada,
marka inyar laga cuno.
Timo-beerashada:
Hannaankan, waa tinta oo laga soo qaado madaxa meelaha timaha leh kaddibna
waxaa lagu beeraa meelaha bannaan. Sanadihii la soo dhaafay, horumar ayaa laga
gaaray arrintan.
BBC