Masuul Ka Tirsan KULMIYE Oo Maayar Mooge Usoo Jeediyay In Uu Barakicinta Ka Daayo Shacabka
Hargaysa (HWN) Madaxa
abaabulka iyo wacyi-gellinta Degmadda M/haybe Ee Xisbiga Kulmiye Shaafici
Maxamuud Cige ayaa usoo jeediyay Maayarka Degmada Hargaysa Cabdikariin Axmed
Mooge in aanu shacabka Barkicin.
Shaafici oo ka hadlaya
dhul Dhawan maayarku uu ku wargeliyay dad danyar ah oo ku shaqaysan jiray inay
ka guuraan, si dhulkaasi loogu xidho deyr oo looga dhigo meel quruxbadan oo ku
taala Caasimada ayuu qoraal uu baahiyay shaafici ku yidhi sidan:-
"Inaga oo og xaalada
nololeed ee bulshadda magaaladda hargeysa ku nool inay tahay mid aad u liidata
, danyartii magaaladuna u baahan tahay gargaar degdega,
Ayaa arintaa bedelkeeda
maayar mooge bilaabay barakicinta muwaadiniin reer Hargeysa ah oo maalin
dagaalka ka raadsan jiray galbeedka dhakhtarka weyn ee magaalada Hargeysa.
Waxaanan leeyahay
masuul in laba geed oo manfac lahayn aad qoys dhan u masaariif tirtaa muhiim
maaha , dadka iyo dhirtana , dadkaa weyn oo ay tahay in noloshooda lala tacaalo.
Marka bulsho cagaaran
oo lugo adag ku taagan la helo ayaa magaalo cagaaran raadinteedu qurux badan
tahay.
Guntii iyo gunaanadkii
waxaan ku leeyahay dhammaanba maayaradii kala duwanaa ee magaalada soo maray
may garan waayin ku tumashadan danyarta aad ku bilowday ee waxa ay fahamsanaayeen
qiimaha bulshadda iyo nolosha dhabta ah ee bulshadda ku dhaqan caasimadda.
Markaa maayar adigu ma
tihid maayarkii London ee waxaad maayarkii hargeysa oo dadka inta wax haysta iyo danyarta ahi
danyartu badan tahay mudan tahayna in hab nololeedkooda loo tix geliyo hadii
aan ugu yaraan waxba aanad tarahayn halkooda uun hakaga nabad helaan , wabilahi
tawfiiq " .
W/q :- Shaafici
Maxamuud Cige
Madaxa abaabulka iyo
wacyi-gellinta Degmadda M/haybe Ee Xisbiga Kulmiye .