Ibraahim Mahdi Buubaa Oo Ujawaabay Faysal Cali Waraabe
Hargaysa (HWN) Gudoomiyaha
Urursiyaasadeedka Talo-wadaag Ibraahim Mahdi Buubaa ayaa ujawaabay Gudoomiyaha
Xisbiga Mucaaradka ah ee UCID Eng. Faysal Cali Waraabe, waxaanu Gudoomiye
buubaa usoo jeediyay in Faysal Cali Waraabe uu Somaliland udifaaco sidii uu
awalba udifaaci jiray oo aanu hada is-bedelin.
"Faysal Cali Waraabe in
badan ayuu difaaci jiray qaranimada Somaliland oo uu magac iyo sumcad ku lahaa,
Maantana waxaan jecelay in aanuu is bedelin oo uu ilaaliyo jiritaanka iyo
qaranimada Somaliland” ayuu yidhi Ibraahim Mahdi Buubaa Gudoomiyaha Urursiyaasadeedka
Talo wadaag.
Gudoomiye Ibraahim
Mahdi Buubaa oo kamid ahaa urur siyaasadeedyadii hadhay ayay mar dambe
Maxkamadu kadaba keentay ururadii soobaxay. Taasi oo dadka qaar aamin sanyihiin
in ujeedada looga daba keenay ururada soobaxay ay tahay sidii loogu qaraaci
lahaa xibiyada Mucaaradka oo ay isku deegaan kasoo jeedaan.