Gud. Urur Siyaasadeedka OGAAL Oo Beenisay Warar Laga Baahiyay
Hargeysa(HWN):
Gudoomiyaha Urur Siyaasadeedka OGAAL Marwo Rooda Cabdi Muuse ayaa beenisey
warar laysla dhex marayey beryahan dambe oo sheegayey iney isku biirayaan Ogaal
iyo Urur kale kadibna iyaga oo ku mideysan hal Urur ka qayb geli doonaan
tartanka Doorashada Ururada Siyaasada Somaliland, kaas oo ay ka soo bixi
doonaan Sadexda Xisbi qaran.
Marwo Rooda Cabdi Muuse
waxay sheegtey iney ka shaqeyn doonto sidii ay dalka uga dhici lahayd Doorasho
cadaalad ah oo aan noogu dhicin ayey tidhi; "Kana riix Kana reeb iyo
xisbiyo cid aan mudneyn loo hadiyadeeyo".
Gudoomiyaha Ururka
OGAAL Marwo Rooda waxa kale oo ay tilmaantey iney jiraan qaar ka mida tobonka
Urur oo laga dhisayo dhinaca Aqalka Madaxtooyada Somaliland iyo kuwo kale oo
iyaguna ku tiirsan dhaqaale beelahoodu ku kabayaan, iyada oo arrimahaas
faahfaahinaysana waxay hadalkeeda ku bilowdey sidan;
OGAAL wuxuu u tartami
doonaa Xisbinimo,
Uruurka Ogaal Uruurna
kuma biiri doono, waayo waxaan aaminsanahay nin aan ka dal, deegaan iyo dad
badanahay ma jirayso sabab aan guul aaanu u simanahay ugu hadyadeeyo, hadii aan
laba kun oo qof helaayo iyo hadii aan laba milyan qof helayo waxaan ku tartami doonaa dadkayga, Tuulo,
Degmo iyo Gobol kasta reer Somaliland joogan.
Arinta labaad hadii
Uruuradda qaar aqalka dalka u sareeya laga dhisayay oo ay buur ku tiirasanayeen
kalsoonida ku shana loo sii barkinayay, qaar kalena dhaqalaha beelahoodu ku
kabayeen, Anigga Rooda ahaan Ogaal soo imatinkeedu dhaqaale waa sahale, naf hur
bay igu ahayd iyo hagardaamo dad, waxan odhankaraa gusha Ogaal naf iyo nafyaal
ayaan u huray, sidaa awgeed wax qof yar ama dad iska odhan karaan yaa ku
tartamaaya, yaa ku biiraysaan, hebel ku biira iyo hadalo jaban, arintaa cida
hanka iyo himilada Ogaal ku hanjabisa Maxkamad ayay ku mutaysan doonaan.
Haddii waqtiga,dadkayga
iyo cadaaladi iga hiiliso ayaan cid ku biiri doona, cidaas oo aha cida aan
danta umadaydda iyo danyartay ka dhex arko.
Laga bilaabo maanta
waxaan juhdi ku bixin doonaa doorasho cadaalad ah sidii ay dalka uga dhici
lahayd, meel kasta oo ay ila galayso, oo aanay noogi dhicin kana riix kana reeb
iyo Xisbiyo cid aan mudnayn loo hadyadeeyo."