Xisbiyada Mucaaradka Somaliland Oo Kulan La Qaatay Safiirka Denmark Ee Somaliya
Hargaysa (HWN) Hogaanka
sare ee xisbiyada Mucaaradka Somaliland ayaa shalay gelinkii dambe Magaalada Hargaysa, kulan kula qaatay Safiirka
Denmark ee Somalia Steen Sonne Anderson oo ay weheliyaan Ku xigeenkiisa Gertrud
Norbjerg Birk iyo Madaxa Xafiiska Hargaysa, Mathias Daniel Hassing Kjaer.
Kulankan ayaa lagaga
wada hadlay xaaladda siyaasadeed ee Somaliland, gaar ahaan khilaafka ka taagan
Arrimaha Doorashooyinka.
Masuuliyiinta
Mucaaradka ayaa u cadeeyay saraakiishii ka socday Safaaradda Denmarka,
mawqifkooda ku aaddan Doorashooyinka, waxaanay u sheegeen in ay kalsoonidii
kala noqdeen xukuumaddan talada haysa, maadaama muddo xileedkeedii sharciga
ahaa dhamaaday, isla markaana kororsatay muddo labo sanno ah oon loo marin
dariiq sharci ah.
Waxaanay masuuliyiintu
Mucaaradku intaas ku dareen, in ay ayyidsan-yihiin go'aankii Komishanka ee ahaa
in ay muddo 9-bilood ah ku qabtaan Doorashada Madaxtooyada.