ERdogan Oo Si Adag Uga Jawaabay Su'aal Laga Waydiyay Biden Iyo Putin
Madaxweynaha dalka
Turkiga Recep Tayyip Erdogan ayaa shir jaraa’id oo uu qabtay kaga hadlay
qarixii dhawaan ka dhacay magaalada Istanbul ee dalkiisa.
Isagoo ka hadlaya
weerarkii qaraxii ka dhacay wadada Istiklal ee Istanbul 13-kii bishaan November, wuxuu yiri, "Waxaan si
fiican u fahamsanahay fariimaha ay bixiyaan weerarradan oo kale, waxaana
tusineynaa jawaabta aan ka bixinno." Isaga oo hadalkiisa sii wata ayuu
Erdogan raaciyay "In aan qaadno tallaabooyin ku saabsan amniga dalkeenna iyo
dadkeenna, cidna fasax ugama qaadanno, uma dulqaadanno munaafaqnimada kuwa
taageera ururka argagixisada,”
"Qofna ma awoodo inuu
dalkeenna ku qasbo mansabyo liddi ku ah danahooda gaarka ah ee dhinacyada
siyaasadda, diblomaasiyadda, dhaqaalaha iyo ciidamada,” ayuu yiri madaxweyne
Erdogan. Mar uu ka hadlayay howgallo ammaanka looga
"Qofna waa in aan
lagu khalkhalgelin hawlgallada militari ee Turkiga ee looga gol leeyahay in
lagu ballaariyo amniga iyo nabadda."
Wakaaladda wararka ee
Reuters ayaa saaka ku warantay in Turkigu "u baahan yahay dhawr maalmood oo
kaliya” si ay suurtogal u noqoto hawlgal dhulka ah oo laga sameeyo waqooyiga
Suuriya, go’aankan ayaana yimid kadib shir golaha wasiirada ay yeesheen oo
looga hadlayay xaaladda amniga.
Sida laga soo xigtay
warbixinta, sarkaal sare oo aan magaciisa la sheegin lana hadlay wakaaladda
wararka ee Reuters "Ciidanka Qalabka Sida ee Turkiga waxay u baahan yihiin
maalmo yar oo kaliya si diyaar garow buuxa u sameeyaan,”. Sarkaalkan ayaa xusay
in mintidiinta xulafada la’ ah Turkiga
ee Suuriya [Free Syrian Army] ay diyaar u yihiin hawlgalkan oo kale dhowr
maalmood ka dib qaraxii 13-kii November.
Mas’uulkan ayaa sheegay, "Howlgalku ma
qaadan doono waqti dheer inuu bilowdo, kaliya waxaa la sugayaa Amarka
Madaxweynaha.".
Saraakiisha Turkiga oo
la hadlay wakaaladaha wararka caalamiga ah ayaa sheegay in howlgallo dhanka cirka ah uu Turkigu ka fuliyay waqooyiga
Suuriya todobaadkii hore. Saraakiisha ayaa sheegay in wada shaqeyn kooban ay
yeesheen Mareykanka iyo Ruushka gaarahaan isticmaalka hawada Suuriya.
Sidoo kale todobaadkii
hore, Madaxweyne Recep Tayyip Erdoğan, markii uu ka soo laabtay xafladda
furitaanka Koobka Adduunka ee 2022 ee dalka Qadar, ayaa saxafiyiinta diyaaradda
la socday waxay weydiiyeen in uu kala hadlay hawlgalkaas Madaxweynaha
Mareykanka Joe Biden iyo Madaxweynaha Ruushka Vladimir Putin, waxaana uu yiri
isaga oo su'aasha la wyadiyay ka jawaabayai: " Maxaan kala hadlaynaa
hawlgalkan, Mr. Biden? Wax kulan ah oo aanu la yeelanay Mr. Putin ma jiro.
Laakin Mr. Biden iyo Mr. Putin labaduba way ogyihiin in aan arrimahan oo kale
ka samayn karno gobolkan wakhti kasta."
Dhawaan
ayay ahayd markii saraakiisha booliiska dalka Turkiga, ay shaaciyeen xog ku
saabsan qarixii ka dhacay Turkiga. Waxay
sheegeen in la qabtay dad lagu tuhmayo in falkaas ay ka dambeyeen.
Sida laga soo xigtay
maamulka Turkiga, waxaa dadkaan la soo qabtay kadib markii la baaray 1200
kaamiradaha wax duuba ah kuwaas oo laga helay xogta sida uu u dhacay weerarku.
Waxaana loo xiray
dhacadaan 46 qof oo lagu tuhmayo in ay ku lug lahaayen.Su’aalo la weeydiiyay
shaqsiyaadkan kadib ayaa waxaa lagu dhawaaqay haweenayda looga shakisan yahay
weerarka oo lagu magacaabo Axlam Albashir una dhalatay dalka Suuriya, taasoo
lagu qabtay magaalada Küçükçekmece.
Sawirrada howlgalkan
dadka lagu qabqabtay ayaa waxaa warbaahinta la wadaagay saraakiisha Booliska.
Maamulka ayaa shaaciyay
in Albashir ay amarka ay ku fulisay weerarka ay soo qaadatay iyadoo joogta
magaalada Kobani (Caynu-Carab) ee waqooyiga Suuriya, kadibna ay Turkiga si
sharci darro ah ku soo gashay 4 bilood ka hor, iyadoo aadday magaalada
Istanbul, halkaas oo ay ka shaqeysay mid ka mid ah goobaha dharka lagu talo.
Warka laga soo saaray
qarixii dhacay ayaa lagu sheegay in haweenaydan ay ku fadhiistay mid ka mid ah
kuraas taallay, halka qaraxu ka dhacay mudd 40 daqiiqo ah. Boorso ayay kaga
tagtay halkii ay fariisatay daqiiqado yar kadibna waxaa dhacay qaraxa, iyadoo
in cabbaar ah ka sii maqan goobta.
Warku wuxuu intaa ku
darayaa marka ay goobta ka tagtay in ay aadday Esenler, iyadoo gaari u raacday Küçükçekmece.
BBC