M.Biixi Muxuu 5-Tii Sano Qabtay? Muxuu Soo Kordhinayaa Hadii Loo Kordhiyo?
M.BIIXI 5 sano ayuu
dhamaystay iminka .
Hadaba muxuu qabtay
mudadaas 5-ta sano ahayd?
Khilaaf iyo qabyaalad-
xadhig-xasuuq-xabudhin-eex-boob-dhac- saxaafadii oo la xidh xidhay -xoriyatul
qawlkii oo la joojiyay-caga juglayn iyo cadaalad daro.
Hadaba maxuu soo
kordhinayaa hadii loo kordhiyo ?
Ama maxaa ka qabyo ah
ee uu doonayaa in uu dhamays tiro?
Waynu wada ognahay
inaanu weli ka dhergin boobkii iyo baloodhadii uu dhacaayay. Wax uu soo kordhinayaa ama uu qabanayaa ma
jirto aan dhibaato iyo khilaaf ahayn iyo dib u dhac iyo in uu sababo dagaal
sokeeyo.
M.BIIXI waxa uu
doonayaa in dagaal sokeeye dalka ka dhaco.
Siyaasadda dalka
Somaliland waxay tahay
1-Nabad-gelyada
2-Wada tashiga
3-Doorashooyinka
Iyo
4- axsaabta badan
Hadaba wixii Somaliland
lagu yaqaanay ee ay ku soo caano maashay ee beesha caalamka oo dhami ku amaani
jirtay.
M.BIIXI wuu diiday
Dhibaato kasta oo
Somaliland ka hortimaada wada tashi iyo isdhegeysi iyo isu tanaasul iyo is
afgarad ayuu ku soo dhamaan jiray.
Laakiin maanta M.BIIXI
oo muddo xileedkiisii dhacay 5-tii sano ee la doortay
13 Nov 2022
Ayaa waxa uu diiday oo
ku gacan saydhay salaadiintii iyo ganacsatadii iyo cuqaashii iyo wax garadkii
iyo culimadii iyo bulshadii oo dhan iyo beeshii caalamka oo dhan OO UU MAANTA TELEPHONE-kii ka xidhay.
M.BIIXI shacabku wuu u
codeeyay in uu madaxweyne ka noqdo dalka muddo 5 sano ah .
Muddo korodhsi
farsamaysan oo aan sharciga waafaqsanayn Ayuu komishanka doorashooyinka qaranka
somaliland u sameeyay in uu doorashada ku qaban karo muddo 9 bilood ah golahii guurtida waxa uu u sameeyay 2-bo
sano oo aan sharci ahayn Kol hadii aanay
jirin duruufo sharci oo keenay in loogu kordhiyo Iyagiina (golihii guurtida ) 5 sano ayay kordhisteen . Waana sharci
daro. (Oo aan sharciga waafaqsanayn) 15 sano sharci
daro ayay ku fadhiyeen .
Golaha Guurtida maxaa
cashuurta dadka laga soo uririyo u qaataa ee loo siiya golaha guurtida(£3)
milyan oo dollar s sanadkii ?
Waa golihii loo doortay
in uu Nabad-gelyada iyo khilaafaad xalinta dalka u qaabilsan. Maanta oo khilaaf siyaasadeed jiro fasax 2-bo
bilood ah bay iska galeen .
Micbaheeduna waxa weeye
:
Muusaw dalka inqilaab
anagu waanu kuu banaynay. M.BIIXI
arinkan uu wado iyo qasabkan uu doonaayo in uu muddo korodhsi ku helaa . Mid
soconaaya oo suurto gelaayana
maaha.
Dalka xoog kumuu qabsan
.kuna sii haysan maayo
xoog.
Miyaanu M.BIIXI
taariikhda waxba ka ogayn in kaligii talis kastaaba dil ama qaxooti ku
danbeeyo? Shawsisko gurigiisii madaxtooyada ayaa lagu dilay (daldalay) Qadaafi sidii loo dilay waad ogayd (quwadii
soveit) ka sidii shacabku u riday waad igayd. Siyaad Bare sidii loo riday waad
ogayd. Iyo qaar kale oo badan, Hadii aad
maanta wax dhegeysan waydo Waxa kuu
danbeeya iyo meesha aad ku danbeynaysaa
Ciidanku waxa uu wax
taraa ama qiimo leeyahay marka uu shacabkiisu taageersan yahay.
Laakiin qiimo iyo
sharaf iyo awood ma laha
Hadii ciidanka iyo
shacabku ay Coloobaan.
Keligii talis ma
noqonaysid
Lagaa yeeli maayo .
Xisbiyada mucaaradka
waa in ay wax kasta oo ay ku joojinayaan ninkan waalan ay sameeyaan . Muddo
korodhsi aan heshiis lagu ahayni ma dhacayso muusaw.
Bal maxaad muddo
korodhsi u doonaysaa ee aad soo kordhinaysaa?
5 sano oo khasaare ah
baa lagaa joogaayee?
Cali maxamed biixi
AFEEF:
Hadhwanaagnews marnaba masuul kama aha Aragtida dadka kale. Qoraaga ayaa xumaanteeda, xushmadeeda iyo xilkeeda sida. waxa kaliya oo Hadhwanaagmedia dhiirigalinaysaa, isdhaafsiga aragtida, canaanta gacaliyo talo wadaagga!